Բաղադրատոմսեր հայկական գաղթօջախներից. Գառան միսը ծիրանաչրով

Բաղադրիչներ

2 ճ․ գ․ կարագ

1 գլուխ սոխ, մանր կտրատված

1 փոքր պճեղ սխտոր, մանր կտրատված

0,5 կգ առանց ոսկորի գառան անյուղ միս՝ 3 սմ խորանարդների կտրատված

2 բաժակ ջուր կամ եփված գառան մսաջուր

1 ճ․ գ․ թարմ քամված կիտրոնի հյութ

½ թ․ գ․ իմբիր կամ խառը համեմունքներ

1 բաժակ ծիրանի չիր /կարելի է կտրատել/

2 ճ․ գ․ մանրացված ընկույզ

1 ճ․ գ․ շաքարավազ /ըստ ճաշակի/

աղ, պղպեղ

Պատրաստման եղանակը

Կաթսայի մեջ կարագը հալեցնել մարմանդ կրակի վրա: Ավելացնել սոխն ու սխտորը և անընդհատ խառնելով թեթև տապակել մինչև փափկի, բայց չկարմրի: Ավելացնել գառան կտրատված միսն ու տապակել մինչև բոլոր կողմերից կարմրի: Հետո ավելացնել մսաջուրը, կիտրոնի հյութը, իմբիրը, աղն ու պղպեղը: Ծածկել և մարմանդ կրակի վրա եփել մեկ ժամ: Այնուհետև ավելացնել ծիրանը, ընկույզը, շաքարավազն ու ևս 15 րոպե եռացնել, մինչև միսն ու ընկուզեղենը փափկեն:

Մատուցել բրնձով փլավի հետ: