Բաղադրատոմսեր հայկական գաղթօջախներից. հավը բանջարեղենով և գինով

Բաղադրիչներ

1,5կգ-անոց հավ՝ խաշած, կտրատած

3 ճ.գ. ձիթայուղ

2 միջին սոխ՝ կիսած և շերտատած

2 միջին գազար՝ երկարությամբ շերտատած

4 միջին հասած լոլիկ՝ մաքրած, մանր կտրատած

2 միջին պճեղ սխտոր

¼ բաժակ մանր կտրատված մաղադանոս

աղ և թարմ աղացած սև պղպեղ՝ ըստ ճաշակի

1 բաժակ հավի արգանակ

¼ բաժակ սպիտակ, չոր գինի

Պատրաստման եղանակը

Մեծ տապակում տաքացնել ձիթայուղը միջին կրակի վրա: Տապակել հավի միսը մինչև հավասարաչափ կարմրի բոլոր կողմերից: Հանել, դնել ափսեի մեջ:

Տապակի մեջ լցնել սոխն ու գազարը, հաճախակի խառնելով տապակել՝ մինչև թեթև կարմրի: Ավելացնել հավի կտորները, ապա լոլիկը, սխտորը, մաղադանոսը, աղն ու պղպեղը, արգանակը: Ծածկել և եփել 30 րոպե, հետո ավելացնել սպիտակ գինին, եփել ևս 5-10 րոպե:

Կարելի է մատուցել տարբեր խավարտների հետ՝ բրնձով փլավ, տապակած կարտոֆիլ և այլն: