Civilnet
Անգլիայի առաջնությունում «Սթոք Սիթիի» հետ խաղից առաջ Լոնդոնի «Չելսիի» գլխավոր մարզիչ Ժոզե Մոուրինյոն ասել է, որ մրցակցի հարձակվող Բոյան Կրկիչը միակն է, ով իրեն քիչ էր մնում սպաներ։
Պորտուգալացին հիշել է, որ 2010 թվականին Չեմպիոնների լիգայի կիսաեզրափակչում Կրկիչը քիչ էր մնում զրկեր Մոուրինյոյի «Ինտերին» այդ տարվա գլխավոր խաղից՝ եվրոպական ակումբային գլխավոր մրցաշարի եզրափակչից։
«Բոյանը միակ ֆուտբոլիստն է, ով քիչ էր մնում ինձ սրտի կաթված հասցներ, քանի որ «Բարսելոնա» - «Ինտեր» խաղի վերջին րոպեին հիասքանչ գոլ խփեց։ Սակայն մեզ փրկեց խաղից դուրս վիճակը։ Նայեցի մարզադաշտի մյուս եզրը, կողային մրցավարն արձանագրել էր խաղից դուրս վիճակ։ Ընդ որում, Բոյանը միակն է, ով դա արել է։ Մասամբ սա կատակ է, բայց նա շատ վտանգավոր ֆուտբոլիստ է, ով կարողացել է լավ ընտելանալ Պրեմիեր լիգային, ինչը երբեք հեշտ չի տրվում հարձակվողին», - ասել է Մոուրինյոն։ Այս մասին հաղորդում է ESPN-ը։
Պատմություններ
