Civilnet
Հոլանդիայի Վեյկ ան Զեե քաղաքում ընթացող Tata Steel Chess շախմատային փառատոնի A մրցաշարի երրոդ տուրն անակնկալներով հարուստ ստացվեց. 3 ֆավորիտներից 2-ը` ՖԻԴԵ-ի վարկանիշային աղյուսակի առաջատար Մագնուս Կարլսենն ու գործող չեմպիոն Լևոն Արոնյանը պարտվեցին, իսկ Ֆաբիանո Կարուանան դժվարությամբ փրկվեց պարտությունից:
Հայաստանի ուժեղագույն գրոսմայստերը թեպետ խաղում էր սևերով, պարտիայի մեկնարկից առավելություն ստացավ և դժվար էր անգամ պատկերացնել, որ 20-րդ քայլին նման կոպիտ սխալ կգործի, ինչի արդյունքում ԱՄՆ-ը ներկայացնող Ուեսլի Սոն որակական առավելություն ստացավ: Այդուհետ Լևոնն ամեն ինչ արեց կես միավորը փրկելու համար, սակայն 54-րդ քայլից հետո ստիպված էր ընդունել պարտությունը:
Էլ ավելի մեծ անակնկալ էր Ռադոսլավ Վոյտաշեկի հաղթանակը Մագնուս Կարլսենի նկատմամբ: Ի տարբերություն Արոնյանի, նորվեգացին լուրջ սխալներ չգործեց, և լեհ շախմատիստը հաղթեց իր ֆենոմենալ խաղի շնորհիվ:
3-րդ տուրի մյուս պարտիաներում գրանցվել են հետևյալ արդյունքները.
Դին Լիրեն (Չինաստան) - Բաադուր Ջոբավա (Վրաստան)` 1:0:
Վասիլի Իվանչուկ (Ուկրաինա) - Լյուկ վան Վելի (Հոլանդիա)` 1:0:
Անիշ Գիրի (Հոլանդիա) - Ֆաբիանո Կարուանա (Իտալիա)` 0.5:0.5:
Մաքսիմ Վաշիե-Լագրավ (Ֆրանսիա) - Թեմուր Ռաջաբով (Ադրբեջան)` 0.5:0.5:
Իվան Սարիչ (Խորվաթիա) - Հոու Յիֆան (Չինաստան)` 0.5:0.5:
3-րդ տուրից հետո մրցաշարային աղյուսակն ունի հետևյալ տեսքը.
1. Ֆաբիանո Կարուանա` 2.5 մ.
2. Վասիլի Իվանչուկ 2.5 մ.
3. Մաքսիմ Վաշիե-Լագրավ` 2 մ.
4. Ուեսլի Սո` 2 մ.
5. Դին Լիրեն` 2 մ.
6. Ռադոսլավ Վոյտաշեկ` 2 մ.
7. Անիշ Գիրի` 1.5 մ.
8. Թեմուր Ռաջաբով` 1.5 մ.
9. Լևոն Արոնյան` 1 մ.
10. Մագնուս Կարլսեն` 1 մ.
11. Լյուկ վան Վելի` 1 մ.
12. Իվան Սարիչ` 1 մ.
13. Բաադուր Ջոբավա` 0.5 մ.
14. Հոու Յիֆան` 0.5 մ.
Պատմություններ
