Ուրուգվայում մեկնարկել են Ցեղասպանության 100-րդ տարելիցի միջոցառումները
Civilnet
Ուրուգվայի արտգործնախարարության շենքը
Ուրուգվայի արտաքին գործերի նախարարությունում մարտի 11-ին Ուրուգվայում Հայաստանի դեսպանության աջակցությամբ տեղի է ունեցել իրավագետ, մարդու իրավունքների հարցերով մասնագետ Օսկար Լոպես Գոլդասարենայի «Հայկական մշակութային ցեղասպանություն» գրքի շնորհանդեսը:
Հայաստանի արտգործնախարարության մամուլի ծառայության փոխանցմամբ՝ միջոցառմանը մասնակցել են Ուրուգվայի արտաքին գործերի նախարար Ռոդոլֆո Նին Նովոան, կրթության և մշակույթի նախարար Մարիա Խուլիա Մունյոսը, Ուրուգվայի համալսարանի ռեկտոր Ռոբերտո Մարկարյանը, սենատորներ Ռաֆայել Միկելինին և Ռուբեն Մարտինեսը, դեսպաններ, ակադեմիական և գիտական շրջանակների, հասարակական կազմակերպությունների ներկայացուցիչներ, Մոնտեվիդեոյի քաղաքապետարանի, ուրուգվահայ համայնքային կառույցների ներկայացուցիչներ, մարդու իրավունքների հարցերով ակտիվիստներ:
Գրքի հեղինակ, իրավագետ Օսկար Լոպես Գոլդարասենան իր ելույթում անդրադարձել է Հայոց ցեղասպանության պատմությանը, երիտթուրքական կառավարության կողմից դրա ծրագրմանը՝ ընթերցելով և մեջբերումներ կատարելով բրիտանացի պատմաբան և մշակութաբան Առնոլդ Թոյնբիի զեկույցներից: Հեղինակը խոսել է նաև մշակութային ցեղասպանությունից՝ որպես առանձին երևույթի, անկախ այն հանգամանքից, թե մշակութային ցեղասպանությունը տեղի է ունենում որևէ ազգի բնաջնջմանը զուգահեռ, թե ոչ:
Պատմություններ
