Civilnet
Կարո Փայլան
Թուրքիայի Ժողովուրդների դեմոկրատական կուսակցությունը (ԺԴԿ) հստակեցրել է 2015թ. հունիսի 7-ին Թուրքիայի խորհրդարանական ընտրություններում թեկնածուների վերջնական ցանկը, որն էլ ապրիլի 7-ին ներկայացնելու է երկրի Կենտրոնական ընտրական հանձնաժողովին:
Ընտրացուցակում տեղ է գտել նաև պոլսահայ Կարո Փայլանը, որն առաջադրվելու է Ստամբուլից: Փայլանը կուսակցության կենտրոնական գործադիր խորհրդի անդամ է: Նա նաև Ստամբուլի Յեշիլքոյ թաղամասում գտնվող հայկական նախակրթարանի հիմնադիր ներկայացուցիչն է: Թուրքական Radikal-ը գրում է, որ Փայլանի առաջադրման նպատակն է ստանալ հայերի և ազգային մյուս փոքրամասնությունների ձայները:
ԺԴԿ-ն իր ցանկում փորձել է ներառել Թուրքիայում առկա գրեթե բոլոր ազգային, կրոնական փորքամասնությունների և գաղափարական հոսանքների ներկայացուցիչներին:
Քրդստանի աշխատավորական կոսակցության առաջնորդ Աբդուլլահ Օջալանի առաջարկով՝ Եվրոպայից Թուրքիա է վերադարձել ալևի գրող Հայդար Ըշըքը: Այժմ նա ալևիաբնակ Դերսիմից ԺԴԿ-ի թեկնածուն է: Կուսակցության ցանկում կա նաև մեկ եզդի թեկնածու:
Ուշագրավ է, որ ցուցակում ընդգրկվել են իսլամամետ գործիչներ: Այսպես՝ Դիարբեքիրի նախկին մուֆթի Նիմեթուլլահ Էրդողմուշը լինելու է Դիարբեքիրից կուսակցության թեկնածուն: Առնվազն կարելի է հինգ իսլամամետ գործչի անուն նշմարել կուսակցության ընտրացուցակում: Ներկայացված են նաև շատ սոցիալիստ գործիչներ: Հատուկ ուշադրություն է դարձվել հաշմանդամություն ունեցող մարդկանց ընդգրկմանը:
Հիմնականում քրդերով համալրված և քրդերի քաղաքական շահերը պաշտպանող կուսակցությունը ընտրարշավի ընթացքում քարոզում էր այն գաղափարը, որ յուրաքանչյուրը պետք է խոսի իր մայրենի լեզվով՝ ի հակարդրություն Թուրքիայում տարածված «Մեկ լեզու, մեզ կրոն» կարգախոսի:
Ուշադրություն է գրավում նաև այն հանգամանքը, որ կուսակցության թեկանծուներից առնվազն կեսը կին է:
Պատմություններ
