Սերժ Սարգսյանը կմասնակցի Հռոմի պապի` 100-րդ տարելիցին նվիրված պատարագին
Civilnet
ՀՀ նախագահ Սերժ Սարգսյանն ապրիլի 12-ին Վատիկանում կմասնակցի Հռոմի պապ Ֆրանցիսկոսի կողմից Սուրբ Պետրոսի տաճարում մատուցվելիք պատարագին՝ նվիրված Հայոց ցեղասպանության 100-րդ տարելիցին:
Ինչպես հաղորդում են ՀՀ նախագահի գրասենյակից, Սերժ Սարգսյանն ապրիլի 8-ի երեկոյան պաշտոնական այցով կմեկնի Իտալիա և հանդիպումներ կունենա երկրի բարձրագույն ղեկավարության հետ:
Այցի շրջանակում ապրիլի 10-ին Սարգսյանը կայցելի Վիտտորիանո թանգարանային համալիր, որտեղ կդիտի Հայոց ցեղասպանության 100-րդ տարելիցին նվիրված «Հայաստան. Տապանի ժողովուրդ» ցուցահանդեսը: Նեապոլ քաղաքի Սուրբ Գրիգոր Լուսավորիչ եկեղեցում նա ապրիլի 11-ին ներկա կգտնվի Ամենայն հայոց կաթողիկոս Գարեգին Բ-ի և կարդինալ Սեպեի կողմից մատուցվելիք եկեղեցական արարողությանն ու Հայոց ցեղասպանությանը նվիրված հուշակոթողի՝ Ջուղայի խաչքարերից մեկի կրկնօրինակ խաչքարի բացման և օծման արարողությանը: Իտալիայում նախատեսված է նաև Սերժ Սարգսյանի հանդիպումը ՄԱԿ-ի պարենի և գյուղատնտեսության կազմակերպության գլխավոր տնօրենի հետ:
Պատմություններ
