Քարդաշյանը Հայաստանում կմնա ութ օր և ֆիլմ կնկարի Ցեղասպանության մասին
Civilnet
Ամերիկահայ հեռուստաաստղ Քիմ Քարդաշյանի ժամանումը Հայաստան դարձել է ոչ միայն հայաստանյան, այլև օտարերկրյա լրատվամիջոցների ուշադրության թեման: Քարդաշյանը Երևան է ժամանել ապրիլի 8-ի երեկոյան՝ ամուսնու՝ հայտնի երգիչ Քանյե Ուեսթի, դստեր և քրոջ՝ Քլոյեյի հետ։
Քարդաշյանի այցի կազմակերպիչը «Ֆրանսպրես» գործակալությանը հաղորդել է, որ իր ութօրյա այցի ընթացքում Քարդաշյանը ծրագրում է աշխատել Հայոց ցեղասպանության մասին վավերագրական ֆիլմի վրա՝ իր նախնիների մասին, այցելել Երևանի Հայոց ցեղասպանության թանգարան-ինստիտուտ, ինչպես նաև գնալ Գյումրի, որտեղ ապրում են նրա հեռավոր բարեկամները:
Քարդաշյանի նախնիները՝ հոր կողմից, Ամերիկա են գաղթել, և նրա ներկա այցը նվիրված է 100 տարի առաջ սպանված նախնիների հիշատակին, նշում է «Ֆրանսպրեսը»՝ հիշեցնելով, որ ապրիլի 24-ին հայերը նշելու են Հայոց ցեղասպանության 100-րդ տարելիցը:
Պատմություններ
