Ապրիլի 10-ը՝ անմոռուկի օր դպրոցներում

Հայաստանի բոլոր դպրոցներում ապրիլի 10-ին կպատրաստեն անմոռուկներ: Համաձայն Հայաստանի կրթության և գիտության նախարարության կողմից ներկայացված՝ Հայոց Ցեղասպանության 100-րդ տարելիցին նվիրված միջոցառումների ծրագրի՝ 2015 թ. ապրիլի 10-ին հանրապետության բոլոր դպրոցների 5-12-րդ դասարանների սովորողները, դասղեկի  ժամին կպատրաստեն անմոռուկներ: Ինչպես հաղորդում են ԿԳՆ մամուլի ծառայությումնից, յուրաքանչյուր սովորող պատրաստելու է 6 անմոռուկ՝ հակառակ  կողմում նշելով  իր տվյալները (անունը, ազգանունը, մարզը, դպրոցը, դասարանը): *** Անմոռուկի՝ Ցեղասպանության 100-րդ տարելիցի խորհրդանիշ լինելու մասին որոշումն ընդունվել էր տարելիցին նվիրված միջոցառումները համակարգող պետական հանձնաժողովի 4-րդ նիստից հետո՝ 2014թ. մայիսին: Հանձնաժողովի կողմից անցկացվել երկու փուլից կազմված մրցույթ և բազմաթիվ աշխատանքներից ընտրվել է «Շարմ» ընկերության կողմից ներկայացված խորհրդանիշը: 100-րդ տարելիցի կարգախոսն է «Հիշում եմ և պահանջում»: