Գերմանիայի նախագահը կմասնակցի 100-րդ տարելիցին նվիրված պատարագին

Գերմանիայի նախագահ Յոախիմ Գաուկը ապրիլի 23-ին  Բեռլինում մասնակցելու է Օսմանյան կայսրությունում դարասկզբում սպանված 1,5մլն հայերի և այլ քրիստոնյա փոքրամաանությունների հիշատակին անցկացվելիք պատարագին, հաղորդում է armeniangenocide100.org կայքը՝ հղում անելով Գերմանիայի Երկրորդ հեռուստաալիքին: Գաուկը Գերմանիայի Դաշնության առաջին նախագահն է, որ մասնակցելու է այս առիթով նման միջոցառման: Deutsche Welle պարբերականը հայտնել էր, որ ապրիլի 24-ին կայանալիք՝ Հայոց ցեղասպանության 100-րդ տարելիցի միջոցառումներին Գերմանիայից Երևան են ժամանելու կառավարության մարդու իրավունքների հանձնակատար Քրիսթոֆ Շտրեսերը և արտաքին գործերի նախարարի տեղակալ Մայքլ Ռոթը: Gերմանական Tagesspiegel պարբերականը տեղեկացրել էր, որ Գերմանիայի Բունդեսթագում ապրիլի 24-ին մեկժամանոց քննարկում կանցկացվի Հայոց ցեղասպանության 100-րդ տարելիցի կապակցությամբ: Թերթը տեղեկացնում է, որ Ցեղասպանության 100-րդ տարելիցի նախաշեմին Բունդեսթագում բանավեճ է ծագել: Մինչ Կանաչների և Ձախ կուսակցություննները ցանկանում են, որ քննարկման արդյունքում ընդունվելիք ցանկացած վերջնական բանաձևում օգտագործվի «ցեղասպանություն» բառը, դաշնային կանցլեր Անգելա Մերկելի «Քրիստոնեա-դեմոկրատական միությունից» և Գերմանիայի սոցիալ-դեմոկրատական կուսակցությունից կազմված իշխող կոալիցիան հստակ հայտնում է մտահոգություն` հրահրելու Ցեղասպանությունը ժխտող Թուրքիայի թշնամանքը: