Guardian-ը Հայոց ցեղասպանության մասին պատմություններ է հավաքում
Civilnet
Լուսանկարը՝ Կարեն Մինասյանի, Associated Press
Բրիտանական Guardian պարբերականում լույս է տեսել հոդված՝ «Ինչպե՞ս է Հայոց ցեղասպանությունը կերտել ձեր պատմությունը» վերնագրով:
Պարբերականը գրում է, որ ընթանում է Հայոց ցեղասպանության 100-րդ տարելիցին նվիրված միջոցառումների նախապատրաստությունը ու նշում, որ բուն «ցեղասպանություն» եզրը հակասական է, քանի որ Թուրքիան հերքում է տեղի ունեցածը:
Հեղինակն այնուհետև անդրադառնում է ապրիլի 12-ին Հռոմի Ֆրանցիսկոս պապի՝ Վատիկանի Սուրբ Պետրոսի տաճարում մատուցած պատարագին [Հայոց ցեղասպանությունն անվանել էր «20-րդ դարի առաջին ցեղասպանություն» և Թուրքիայի արձագանքին:
Ուղարկեք ձեր պատմությունները Guardian-ի խմբագրություն
Հոդվածի եզրափակիչ հատվածում կոչ է արվում բոլոր նրանց, ովքեր Հայաստանում են կամ արտերկրում բնակվող հայկական սփյուռքի ներկայացուցիչ են, խմբագրություն ուղարկել իրենց պատմություններն այն մասին, թե ինչպես է Ցեղասպանությունը կերտել իրենց ընտանեկան պատմությունը:
«Ունե՞ք այդ ժամանակաշրջանից պահպանված նմուշներ, նամակներ կամ լուսանկարներ: Արդյոք ձեր ընտանիքին հաջողվե՞լ է փրկվել, և ինչպե՞ս է դա պայմանավորել ձեր այսօրվա բնակության վայրը: Կցանկանայինք նաև լսել, թե ինչպես եք ոգեկոչելու 100-րդ տարելիցը, կամ ինչ հատուկ բան եք անելու 100-րդ տարելիցի կապակցությամբ»,- գրում է բրիտանական թերթն ու առաջարկում լրացնել հոդվածում տեղադրված ձևաթուղթն ու այն ուղարկել խմբագրություն:
Իրադարձություն
Պատմություններ
