Հայկական բջջային հավելվածը $15 մլն է ներգրավել

Բջջային հեռախոսների լուսանկարների ֆոտոխմբագրիչ PicsArt հավելվածը, որ մշակվել է հայաստանյան մասնագետների կողմից, 15 մլն դոլար նոր ֆինանսավորում կստանա, հաղորդում է fortune.com: Փետրվարի սկզբին PicsArt ամերիկյան Sequoia Capital ընկերության կողմից 10 մլն դոլար ֆինանսավորում էր ստացել: Հավելվածն ստեղծվել է հայկական «Սորսիո» ընկերության հիմնադիր Հովհաննես Ավոյանի կողմից 2011թ. Կալիֆոռնիայում: Հավելվածի ներբեռնումների թիվը ներկայում հասնում է 200 մլն-ի, իսկ ամսական ակտիվ օգտատերերի թիվը 60 մլն է: