Հայոց ցեղասպանության զոհերի հիշատակին նվիրված խաչքար Ֆրանսիայի Վալանս քաղաքում

Ֆրանսիայի Վալանս քաղաքի Իջևան հրապարակում ապրիլի 19-ին Հայոց ցեղասպանության 100-րդ տարելիցի միջոցառումների շրջանակում տեղի է ունեցել անմեղ զոհերի հիշատակին նվիրված խաչքար-հուշարձանի բացման հանդիսավոր արարողությունը՝ Ֆրանսիայում գործող «Ֆրանսիա- Աշտարակ- Արմենիա» մշակութային միության նախագահ  Լևոն Չատիկյանի  ջանքերով և հովանավորությամբ: Ինչպես հաղորդում են արտգործնախարարության մամուլի ծառայույունից, այս խաչքարը՝ 699-702 թթ.  Ջուղայում տեղադրված խաչքարի կրկնօրինակն է՝ կերտված  հայկական տուֆից: Խաչքարի բացման հանդիսավոր արարողությանը ներկա են եղել Վալանս քաղաքի քաղաքապետ  Նիկոլա Դարագոն, Լևոն Չատիկյանը, մի շարք պաշտոնական անձիք, հոգևոր այրեր և համայնքի ներկայացուցիչներ: Միջոցառման ընթացքում ընթերցվել է Հայաստանի սփյուռքի նախարար Հրանուշ Հակոբյանի ողջույնի խոսքը: Խաչքարի տեղադրման մասին որոշումը Վալանսի ավագանին ընդունել է 2014թ. դեկտեմբերին: Որոշման կայացմանը նպաստել է անձամբ Վալանսի քաղաքապետ  Նիկոլա Դառագոն: Որոշման դեմ բողոքել է թուրքական համայնքը: