Ընթերցումներ «Արտբրիջ»-ում` նվիրված Ցեղասպանության 100-րդ տարելիցին

Երևանի «Արտբրիջ» գրադարան-սրճարանում ապրիլի 21-ին` ժամը 19:00-ին, տեղի կունենա ընթերցում` նվիրված Հայոց ցեղասպանության 100-րդ տարելիցին: Գրադարան-սրճարանը միացել է Բեռլինի գրական միջազգային փառատոնի «Համաշխարհային ընթերցումներին»: «Համաշխարհային ընթերցումները» փառատոնի մշտական ծրագրերից է, անցկացվում է 2006-ից և նվիրվում տարվա գլխավոր թեմաներից մեկին: Միջոցառումն անցկացվում է նաև հայ ժողովրդի մեծ բարեկամ, գերմանացի հասարակական գործիչ, արևելագետ Յոհաննես Լեպսիուսի անունը կրող թանգարան-ինստիտուտի նախաձեռնությամբ: Ընթերցումների աշխարհագրությունն ընդգրկելու է գրեթե 70 երկիր՝ Ալբանիայից մինչև Զիմբաբվե: ՍիվիլՆեթը ուղիղ հեռարձակում կապահովի «Արտբրիջ»-ից: Միջոցառմանը կարող եք հետևել այստեղ: