Civilnet
«Փյունիկ» ֆուտբոլային ակումբի և Հայաստանի մինչև 21 տարեկանների ազգային հավաքականի գլխավոր մարզիչ Սարգիս Հովսեփյանը Հայաստանի ֆուտբոլի ֆեդերերացիայի նախագահ Ռուբեն Հայրապետյանի հրամանով նշանակվել է Հայաստանի ազգային հավաքականի գլխավոր մարզչի ժամանակավոր պաշտոնակատար: Այս մասին ասված է ՀՖՖ ապրիլի 28-ի հաղորդագրությունում:
Հայաստանի ազգային հավաքականի նախկին ավագ Սարգիս Հովսեփյանը Հայաստանի ազգային հավաքականի կազմում խաղադաշտ է դուրս եկել 132 անգամ, որը հայկական ֆուտբոլի համար բացարձակ ռեկորդ է:
Մարզչական կարիերան Սարգիս Հովսեփյանը սկսել է 2013-ից՝ գլխավորելով Հայաստանի բազմակի չեմպիոն «Փյունիկը»: 2014թ. Հովսեփյանը գլխավորել է Հայաստանի մինչև 19 տարեկանների ազգային հավաքականը, իսկ 2014 թվականի նոյեմբերից գլխավորում է Հայաստանի մինչև 21 տարեկանների ազգային հավաքականը:
Ապրիլի սկզբին մամուլում լուրեր էին շրջանառվում, ըստ որի՝ ազգային հավաքականը կարող է գլխավորել Մոսկվայի «Սպարտակ» ակումբի նախկին մարզիչ Վալերի Կարպինը:
Հայաստանի ֆուտբոլի ազգային հավաքականի գլխավոր մարզչի պաշտոնը թափուր է մնացել մարտի 30-ից, երբ հրաժարական տվեց շվեյցարացի մարզիչ Բեռնար Շալանդը: Դրանից մեկ օր առաջ Եվրո-2016-ի ընտրական փուլում Հայաստանի հավաքականը Ալբանիայի հետ խաղում պարտություն էր կրել 1:2 հաշվով` դուրս մնալով Եվրո-2016-ի եզրափակչից:
Բեռնար Շալանդը Հայաստանի ֆուտբոլի ազգային հավաքականը գլխավորում էր 2014թ. փետրվարից:
Պատմություններ
