Արամ Ա-ն հանդիպել է Կանադայի վարչապետի հետ

Հունիսի 3-ին Մեծի Տանն Կիլիկո կաթողիկոս Արամ Ա-ն Օտտավայում հանդիպել է Կանադայի վարչապետ Սիթվեն Հարփերի հետ: Կաթողիկոսության մամուլի հաղորդագրության համաձայն՝ Արամ Ա-ն իր երախտիքն է հայտնել Կանադայի ժողովրդին և կառավարությանը՝ Հայոց ցեղասպանության ճանաչման գործում որդեգրած հստակ կեցվածքի համար: Վեհափառը նաև իր մտահոգությունն է հայտնել Մերձավոր Արևելքում և մասնավորապես Սիրիայում տիրող իրավիճակի առնչությամբ՝ Կանադային կոչ անելով առավել գործուն օժանդակել սիրիական ճգնաժամի լուծմանը և քրիստոնյա համայնքների պաշտպանությանը: Հանդիպման ավարտին Արամ Ա-ն «Իշխան» շքանշանով է պարգևատրել  Հարփերին՝ հայ ժողովրդի արդար դատի հարցում նրա ցուցաբերած զորակցության համար: Արամ Ա-ի և վարչապետ Հարփերի առանձին հանդիպումից հետո նրանց է միացել նաև Վեհափառի գլխավորած պատվիրակությունը, որի կազմում եղել են Կանադայի հայոց թեմի առաջնորդը, Հայ դատի հանձնախմբի նախագահը և այլք: