Civilnet
Լուսանկարը` «Ոչ թալանին» նախաձեռնության ֆեյսբուքյան էջից
«Ոչ թալանին» քաղաքացիական նախաձեռնությունը հայտարարություն է տարածել` այսօր` ժամը 19։00-ին, «Պատժել տականք ոստիկանին» կոչով շտապ հավաք անցկացնելու վերաբերյալ:
Հավաքը տեղի է ունենալու ՀՀ Ոստիկանության գլխավոր վարչության շենքի մոտ։
Նախաձեռնության ֆեյսբուքյան էջում հրապարակված հայտարարության մեջ ասված է, որ ոստիկանը պետք է գա և հրապարակային ներողություն խնդրի:
***
«Ոտքի՛ Հայաստան» նախաձեռնությունը օգոստոսի 21-ին հանրահավաք էր հրավիրել՝ պահանջելով չեղյալ հայտարարել էլեկտրաէներգիայի սակագինը 6.93 դրամով թանկացնելու՝ Հանրային ծառայությունները կարգավորող հանձնաժողովի որոշումը: Ոստիկանների հետ բախումների արդյունքում մի շարք քաղաքացիներ բերման են ենթարկվել. նրանք ավելի ուշ բաց են թողնվել: Երեկվանից լրատվամիջոցների և հանրության ուշադրության կենտրոնում է հանրահավաքի ընթացքում տեղի ունեցած միջադեպը, երբ ոստիկանը ապտակում է ակցիայի տարեց մի մասնակցի:
Օգոստոսի 22-ին հայտնի է դարձել, որ տարեց քաղաքացուն ապտակած ոստիկանի ծառայողական լիազորությունները դադարեցվել են:
Ոստիկանների կոպիտ վարքագիծը դատապարտող հայտարարությամբ է հանդես եկել ՀՀ մարդու իրավունքների պաշտպան Կարեն Անդրեասյանը:
Պատմություններ
