Արոնյանը հաղթեց շախմատային գերմրցաշարում

ԱՄՆ-ի Սենթ Լյուիս քաղաքում Sinquefield Cup շախմատային գերմրցաշարում Հայաստանի շախմատի ազգային հավաքականի առաջատար Լևոն Արոնյանը դարձել է միանձնյա առաջատար:

Արոնյանը մրցաշարի ողջ ընթացքում չի կրել որևէ պարտություն: Սեպտեմբերի 1-ին նա սևերով մրցել է բուլղարացի Վեսելին Տոպալովի հետ և գրանցել ոչ-ոքի: Արդյունքում հայ գրոսմայստերը վաստակել է 6 միավոր և անհասանելի դարձել մրցակիցների համար:

Սենթ Լյուիսում աշխարհի հզորագույն շախմատիստներ նորվեգացի Մագնուս Կառլսենի և հնդիկ Վիշվանաթան Անանդի հետ Արոնյանը գրանցել է ոչ-ոքի:

Sinquefield Cup-ը երրորդ անգամ է անցկացվում: Արոնյանը մասնակցել է բոլոր երեք մրցաշարերին: 2013թ. նա զբաղեցրել էր 3-րդ տեղը (4 մասնակից), 2014-ին՝ 5-րդ: Ընթացիկ մրցաշարի մրցանակային ֆոնդը կազմում է 300 հազար դոլար: