Իտալական Մարկեի նահանգային խորհուրդը ճանաչել է Հայոց ցեղասպանությունը
Civilnet
Մարկեի նահանգային խորհուրդը (Իտալիա) հոկտեմբերի 6-ին կայացած նիստին միաձայն ճանաչել է Հայոց ցեղասպանությունը:
Ինչպես հաղորդում են ՀՀ արտգործնախարարության մամուլի ծառայությունից, բանաձևը զորակցություն է հայտնում հայ ժողովրդին Հայոց ցեղասպանության 100-րդ տարելիցի կապակցությամբ:
«Հայ ժողովրդի ցեղասպանություն» խորագիրը կրող բանաձևի նախաձեռնողներն են եղել նահանգային խորհրդի անդամներ Ռապա Բորիսը, Պիերոնի Մորենոն, Բուսիլակի Ջանլուկան, Մարկոնի Լուկան:
Այս տարի` ավելի վաղ, Իտալիայի Տոսկանայի նահանգի նահանգային խորհուրդն էր ընդունել Հայոց ցեղասպանությունը ճանաչող բանաձև` Ցեղասպանության 100-րդ տարելիցի կապակցությամբ զորակցություն հայտնելով հայ ժողովրդին:
Իտալիան ճանաչել է Հայոց ցեղասպանությունը 2000թ.:
Իրադարձություն
Պատմություններ
