Civilnet
Հայաստանի ֆուտբոլի ազգային հավաքականի գլխավոր մարզչի անունը ամենայն հավանականությամբ արդեն դեկտեմբերին հայտնի կդառնա. այս մասին, ինչպես հաղորդում է Armsport.am-ը, հայտարարել է Հայաստանի ֆուտբոլի ֆեդերացիայի նախագահ Ռուբեն Հայրապետյանը «Red Eagles» ֆան շարժման անդամների հետ հանդիպմանը:
Նա նշել է, որ արտասահմանում աշխատող միակ մասնագետը, որին դիտարկում է ազգային հավաքականի գլխավոր մարզչի թափուր պաշտոնում, ֆրանսիական «Նանտի» գլխավոր մարզիչ Միշել Տեր-Զաքարյանն է: Հայրապետյանը հայտնել է, որ նախկինում այդ մասնագետին երկու անգամ առաջարկել է գլխավորել ազգային ընտրանին, սակայն Տեր-Զաքարյանն անձնական պատճառներով մերժել է հրավերները: Հայրապետյանն ասել է, որ պատրաստվում է երրորդ առաջարկն անել ֆրանսիական թիմի մարզչին:
Ներկայում Հայաստանի ազգային հավաքականի գլխավոր մարզչի ժամանակավոր պաշտոնակատարը «Փյունիկ» ֆուտբոլային ակումբի գլխավոր մարզիչ Սարգիս Հովսեփյանն է: Նա այս պաշտոնին նշանակվեց այս տարվա ապրիլի վերջին` շվեյցարացի մարզիչ Բեռնար Շալանդի հրաժարականից հետո:
Պատմություններ
