Իտալիայի Լ'Աքվիլայի քաղաքային խորհուրդը ճանաչել է Հայոց ցեղասպանությունը
Civilnet
Իտալիայի Լ'Աքվիլայի քաղաքային խորհուրդը նոյեմբերի 26-ին ճանաչել է Հայոց ցեղասպանությունը:
Իտալիայում Հայաստանի դեսպանությանը և Իտալիայում հայերի միությանն ուղղված նամակներում Լ'Աքվիլայի քաղաքապետ Մասսիմո Չիալենտեն տեղեկացրել է, որ Հայոց ցեղասպանության 100-րդ տարելիցի կապակցությամբ Լ'Աքվիլայի քաղաքային խորհուրդը ճանաչում է Հայոց ցեղասպանությունը և իր համերաշխությունը հայտնում հայ ժողովրդին՝ ի հաստատումն պատմական ճշմարտության և մարդու իրավունքների պաշտպանության, հաղորդում է ՀՀ արտգործնախարարության մամուլի ծառայությունը:
Հոկտեմբերի վերջին Հայոց ցեղասպանությունը ճանաչել էին Իտալիայի Աբրուցցո նահանգը և Ռավեննա քաղաքը, ավելի վաղ` Պիեմոնտե նահանգի Իվրեայի քաղաքային խորհուրդը և Մարկեի նահանգային խորհուրդը:
Այս տարվա մարտին Իտալիայի Տոսկանայի նահանգի նահանգային խորհուրդն էր ընդունել Հայոց ցեղասպանությունը ճանաչող բանաձև` Ցեղասպանության 100-րդ տարելիցի կապակցությամբ զորակցություն հայտնելով հայ ժողովրդին:
Իտալիան ճանաչել է Հայոց ցեղասպանությունը 2000թ.:
Իրադարձություն
Պատմություններ
