Civilnet
Մոսկվան և Դամասկոսը տեղյակ էին սիրիական Ջարաբլուսում նախապատրաստվող թուրքական օպերացիայից, գրում է «Իզվեստիան»՝ հղում անելով Սիրիայի կառավարությանը մոտ կանգնած իր աղբյուրին:
«Եթե օպերացիան անակնկալ լիներ սիրիական իշխանությունների համար, Անկարան շատ արագ կառերեսվեր սիրիական և ռուսական կողմերի կտրուկ արձագանքին, այլ ոչ թե հայտարարությունների, որոնցում անգամ չի հնչում «ագրեսիա» բառը: Այո, Մոսկվան և Դամասկոսը տեղյակ էին օպերացիայից»,- պատմել է աղբյուրը:
ՌԴ ԱԳՆ-ից գաղտնիության պայմանով պարբերականին ասել են, որ նման օպերացիան չէր կարող սկսվել առանց Անկարայի և Մոսկվայի հետ նախնական խորհրդակցությունների:
«Ահաբեկչական սպառնալիքի դեմ ցանկացած պայքար տարածաշրջանում այսօր արդիական է ինչպես երբեք: Դրա արդյունավետությունն այդ թվում կախված է Դամասկոսի հետ փոխգործակցությունից: Նման պայքար պետք է մղվի իրավական հիմքերով և սիրիական պաշտոնական իշխանությունների հետ գործողությունների համակարգմամբ»,- ասել է թերթի զրուզակիցը:
Թուրքիայի «Եփրատի վահան» օպերացիայի մասին ավելին՝ այստեղ:
Պատմություններ
