Civilnet
Արգենտինայի հայկական համայնքի կառույցները հանդես են եկել համատեղ հայտարարությամբ, որում դեմ են հանդես գալիս Թուրքիայի արտաքին գործերի նախարար Մևլութ Չավուշօղլուի այցին Հարավային Ամերիկա և Արգենտինա։
«Չավուշօղլուն ոչ միայն մարդկության դեմ հանցանք գործած պետության ներկայացուցիչն է, այլև Թուրքիայի կողմից պատմականորեն որդեգրված ժխտողական քաղաքականության «կատարող ձեռքը»,- Prensa Armenia գործակալության փոխանցմամբ՝ ասված է հայտարարությունում։ - Չավուշօղլուն իր աշխատանքը նվիրել է նրանց նվաստացմանը, ովքեր ճանաչում են կամ անգամ հիշատակում Հայոց ցեղասպանությունը, ինչպես Ռուսաստանի, Եվրախորհրդարանի, 2015թ․ Վատիկանի և 2016թ․՝ Գերմանիայի ու ԱՄՆ-ի դեպքում էր»։
Հեղինակները Չավուշօղլուին և Թուրքիային մեղադրում են երկակի չափանիշներ կիրառելու մեջ. նրանք քննադատում են միայն այն հայտարարությունները, որոնք «նպաստավոր» չեն Թուրքիայի համար և լռում են, երբ Ադրբեջանի նախագահ Իլհամ Ալիևը խոսում է «հայկական ստերից»։
Արգենտինահայերի համոզմամբ՝ արտաքին գործերի նախարարի պաշտոնում Չավուշօղլուի աշխատանքը հանգում է միայն Թուրքիայի նախագահ Ռեջեփ Թայիփ Էրդողանի վարչակարգի՝ ինքնաարտահայտման ազատության նկատմամբ «գրաքննության մոդելի արտահանմանը»։
Պատմություններ
