Գլխավոր Լրահոս

Եվրասիական բանկն առաջարկում է միասնական հաշվարկային միավոր ներդնել ԵՏՄ երկրներում

Եվրասիական բանկն առաջարկում է միասնական հաշվարկային միավոր ներդնել ԵՏՄ երկրներում

Եվրասիական զարգացման բանկը (ԵԶԲ) Եվրասիական տնտեսական միության անդամ երկրների կենտրոնական բանկերին առաջարկել է ստեղծել միասնական արժույթ։ Ըստ ԵԶԲի՝ դա կնպաստի փոխադարձ հաշվարկների համակարգին: Ըստ Vestifinance.ru կայքի՝ Ռուսաստանը առաջարկել է, որ ռուբլին դառնա դրամական այդ միավորը:

«Կան երկարաժամկետ օգտագործման համար նախատեսված մի քանի գործիքներ, որոնք մենք առաջարկում ենք դրամավարկային կարգավորող մարմինների քննարկմանը»,- ասել է Եվրասիական զարգացման բանկի ինտեգրացիոն հետազոտությունների կենտրոնի տնօրեն Եվգենի Վինոկուրովը:

Նա նշել է, որ առեւտրային հոսքերի սպասարկման համար անհրաժեշտ է տարածաշրջանային դրամական միավոր, և այն կարող է դառնալ վճարման եղանակը այսպես կոչված «Մետաքսե ճանապարհի» զարգացման համար, որի նպատակն է վերականգնել և կյանքի կոչել Ասիայից դեպի Եվրոպա ձգվող հին առևտրային ուղին:

Եվրասիական տնտեսական հանձնաժողովի ֆինանսական քաղաքականության տնօրեն Տիգրան Դավթյանը նշել է, որ ապագայում միասնական եվրասիական հաշվարկի միավորի ներդրումը կնպաստի անդամ երկրների քաղաքացիների՝ առևտրում ազգային արժույթների մասնաբաժնի ավելացմանը և դրամական ռիսկերի ավելի արդյունավետ կառավարմանը, ինչպես նաև փոխադարձ վճարումներում գործարքային ծախսերի նվազեցմանը:

Ըստ Եվրասիական տնտեսական հանձնաժողովին մոտ կանգնած աղբյուրի՝ Եվրասիական տնտեսական միության անդամ երկրների կենտրոնական բանկերը պատրաստ են քննարկել առաջարկը:

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում