
Հայաստանի պետական պարտք ՀՆԱ հարաբերակցությունը 2018թ․ նվազեցվելու է 1 տոկոսային կետով, հայտարարել է ֆինանսների նախարար Վարդան Արամյանը։
2017թ․ հաշվարկներով՝ Հայաստանի պետական պարտքը մոտեցել է ՀՆԱ-ի 60 տոկոս սահմանագծին, մինչդեռ 2008թ․ այն կազմում էր ՀՆԱ-ի 16 տոկոսը։
Հանքավանում տնտեսական ոլորտի լրագրողների հետ սեմինարին ֆինանսների նախարարն ասել է, որ 2018թ․ ՀՆԱ-ում շուրջ 1 տոկոսային կետով պետական պարտքը դեպի նվազում է գնալու:
«2014-ից այս կողմ շուրջ 13 տոկոսային կետով, այսինքն` յուրաքանչյուր տարի 5-7 տոկոսային կետով, աճում էր պետական պարտքը ՀՆԱ-ում: Իսկ այս տարի ջանքեր գործադրվեցին, որ այդ աճի տեմպը դադարի, աճը լինի ոչ թե 7, այլ 3-4 տոկոսային կետով, իսկ 2018թ., ըստ գնահատականների, որոնք հիﬓված են նաև փոխարժեքների կայուն սցենարի հաշվարկի վրա, 1 տոկոսային կետով պարտք/ՀՆԱ ցուցանիշը կնվազի»,- պարզաբանել է նախարարը:
Հայաստանի պետական պարտքի մասին տեղեկատվությունը՝ ըստ տարիների, տե՛ս Հայաստանի աճող պարտքը ինֆոգրաֆիկայում։
Civilnet










