Հայաստանի արտաքին առևտրաշրջանառությունը 2017-ի 9 ամիսներին աճել է 21,7%-ով և կազմել 4 368 մլն դոլար։
Ազգային վիճակագրական ծառայությունը հրապարակել է այս տարվա 9 ամիսների սոցիալ-տնտեսական վիճակը, ըստ որի՝ 2017-ի հունվար-սեպտեմբերին նախորդ տարվա նույն ժամանակի համեմատ աճել է և՛ արտահանումը՝ 19%-ով (1 546 մլն դոլար), և՛ ներմուծումը՝ 23%-ով (2 821 մլն դոլար): Ներմուծումը գերազանցում է արտահանմանը 1,8 անգամ։
Հայաստանի արտաքին առևտրաշրջանառությունն ըստ երկրների (փակագծում՝ տեսակարար կշիռը)․
Ռուսաստան - 1 074 մլն դոլար (24,6%)
Չինաստան - 418 մլն դոլար (9,6%)
Շվեյցարիա - 249 մլն դոլար (5,7%)
Գերմանիա - 238 մլն դոլար (5,5%)
Բուլղարիա - 236 մլն դոլար (5,4%)
Հայաստանի ամենամեծ առևտրային գործընկերը շարունակում է մնալ Ռուսաստանը՝ առևտրաշրջանառության 24,6%-ը։ Չնայած Ղազախստանի հետ առևտրաշրջանառությունն աճել է 9,6%-ով, իսկ Բելառուսի հետ՝ 26,2%-ով, (Ղրղզստանի հետ առևտրաշրջանառության տվյալները տրված չեն), ԵԱՏՄ երկրների հետ առևտուրը, բացի Ռուսաստանից, հասնում է Հայաստանի առևտրաշրջանառության մոտ 1%-ին, այն դեպքում, երբ նույնիսկ փակ սահմանով Թուրքիայի հետ առևտրաշրջանառությունն այս տարվա 9 ամիսներին կազմել է ընդհանուրի 3,7%-ը՝ նախորդ տարվա նույն ժամանակի համեմատ աճելով 56%-ով։
2017-ի 9 ամիսներին Հայաստանի արտահանման մեջ գերակշռում է հանքահումքային արտադրանքը ՝ 487 000 դոլարով, պատրաստի սննդի արտադրանքը՝ 363 000 դոլարով, թանկարժեք և կիսաթանկարժեք քարեր, թանկարժեք մետաղներ և դրանցից իրեր՝ 198 մլն դոլարով։
Լիլիթ Աբովյան
Civilnet











