Տրանսպորտի, կապի և տեղեկատվական տեխնոլոգիաների նախարարությունը վստահեցնում են՝ աջ ղեկով մեքենաների սեփականատերերին չի արգելվի շահագործել տրանսպորտային միջոցը։
ՀՀ տրանսպորտի, կապի և տեղեկատվական տեխնոլոգիաների նախարարության լրատվական ծառայությունը պարզաբանում է տարածել աջ ղեկով ավտոմեքենաների ներկրումն արգելող նախագծի վերաբերյալ։
Ըստ գերատեսչության՝ «Ճանապարհային երթևեկության անվտանգության ապահովման մասին» ՀՀ օրենքով սահմանվում է, որ Հայաստանի Հանրապետության ճանապարհներին սահմանված է տրանսպորտային միջոցների աջակողմյան երթևեկությունը․ «Այդ իսկ պատճառով, նախագծով առաջարկվում է թույլատրել մինչև 2018թ․ ապրիլի 1-ը ներկրված տրանսպորտային միջոցների շահագործումը: Սրանից բխում է, որ մինչև 2018թ․ ապրիլի 1-ը ՀՀ ներկրված տրանսպորտային միջոցների նկատմամբ նշված սահմանափակումները չեն գործում: Այսինքն, աջ ղեկ ունեցող տրանսպորտային միջոցների այսօրվա սեփականատերերին չի արգելվի հետագայում ևս շահագործել իրենց մեքենաները: Աջակողմյան ղեկային տեղաբաշխմամբ տրանսպորտային միջոցների ներմուծման արգելքի մասին ՀՀ օրենսդրական փոփոխությունների նախագիծը մշակվել և ամբողջացվել է ճանապարհային երթևեկության անվտանգության տեսանկյունից շահագրգիռ գերատեսչությունների ներկայացուցիչներից ձևավորված հանձնաժողովի քննարկումների արդյունքում»,- ասված է պարզաբանման մեջ:
Е-draft.am կայքում հանրային քննարկման դրված նախագծում «առաջարկվում է ժամանակավորապես արգելել աջակողմյան ղեկային տեղաբաշխմամբ տրանսպորտային միջոցների ներմուծումը, իսկ հետագայում նաև շահագործումը»:
Եթե կառավարության որոշումն ընդունվի, ապա աջ ղեկ ունեցող մեքենաների ներկրումը կարգելվի 2018թ․ ապրիլի 1-ից։
Civilnet











