Հայաստան այս տարվա առաջին 9 ամիսներին ժամանել է 1,1 միլիոն զբոսաշրջիկ, ինչը 21 տոկոսով գերազանցում է անցյալ տարվա նույն ժամանակահատվածի ցուցանիշը։
Զբոսաշրջության պետական կոմիտեի նախագահ Զարմինե Զեյթունցյանը դեկտեմբերի 19-ին հրավիրված տարեկան ամփոփիչ ասուլիսում ներկայացրեց այս տարվա ընթացքում կատարված աշխատանքն ու հույս հայտնեց, որ ընդհանուր առմամբ 2017-ին Հայաստան ժամանած զբոսաշրջիկների թիվը կարող է հասնել 1,5 միլիոնի։
Զեյթունցյանի խոսքով՝ անցյալ տարվա համեմատ աճել է նաև ներքին զբոսաշրջիկների թիվը։
Զբոսաշրջության պետական կոմիտեն բազմաթիվ ծրագրեր իրականացրել է 200 հազ․ դոլար բյուջեի շրջանակում, 2018-ի բյուջեով այս թիվը կրկնակի աճել է։
Վրաստանում երկրի գովազդային նպատակներով 2016-ին տրամադրվել է 8 միլիոն դոլար։
Civilnet











