Գլխավոր Լրահոս

Իրանում ցույցերն ուղեկցվում են անկարգություններով և բռնություններով

Իրանում ցույցերն ուղեկցվում են անկարգություններով և բռնություններով

Իրանի մի շարք քաղաքներում սկսված բողոքի գործողություններն ուղեկցվում են անկարգություններով և
բռնություններով: Ցուցարարները հանդես են գալիս ինչպես նախագահ Հասան Ռոհանիի, այնպես էլ կրոնապետ,
այաթոլլա Ալի Խամենեիի և շիա հոգևորականության դեմ քննադատական կոչերով:

Երկու ցուցարարներ Իրանի արևմտյան Դորուդ քաղաքում ստացել են հրազենային վնասվածքներ: Բի Բի Սի-ն
հաղորդում է, որ նրանք մահացել են, միաժամանակ ընդգծելով, որ Իրանում ընթացող զանգվածային բողոքի ցույցերի
մասին հիմնականում տեղեկություններ են տարածվում սոցիալական ցանցերում, հետևաբար՝ դրանց հավաստի լինելը
շատ դժվար է ստուգել:

Տեսանյութերից մեկում երևում է, որ ցուցարարներըը այրում են ոստիկանական ավտոմեքենաներ: Իրանի հյուսիսային
Ահբար քաղաքում ցուցարարները վառել են այաթոլլա Ալի Խամենեի նկարներով մեծ ցուցապաստառներ: Իրանի
կենտրոնական Արաք քաղաքում ցուցարարները հրդեհել են իրավապահ մարմինների շտաբ-կայաններից մեկը:
Բի Բի Սիի պարսկական ծառայությունը հաղորդում է, որ մայրաքաղաք Թեհրանում ժողովուրդը հավաքվում է Ազադի
հրապարակում: Այնտեղ գտնվող ոստիկանների մի մասը հեռացել է տարածքից:

Անհանգիստ է նաև Իրանի մեծությամբ երկրորդ քաղաք Մեշհեդում: Հաղորդվում է տասնյակ ձերբակալվածների մասին:
Իրանի իշխանությունները հորդորել են քաղաքացիներին չմասնակցել ցույցերին, քանի որ դրանք հակաօրինական են և
խնդիրներ են ստեղծում ինպես իրենց, այնպես էլ մյուս քաղաքացիների նկատմամբ: Թեհրանը ցույցերը հրահրելու մեջ
մեղադրել է «հակահեղափոխականներին և օտարերկրյա գործակալներին»:

Իրանում երրորդ օրը շարունակվող բողոքի գործողությունները վերջին ութ տարիներին ամենախոշորն են: Դրանք սկսվել
են իրանական քաղաքներից մեկում ձվի կրկնակի թանկացման դեմ բողոքից, որոնք վերածվել են զանգվածային
ցույցների՝ ներգրավելով մի շարք քաղաքներ և ստանալով քաղաքական երանգ:

Վերջին անգամ Իրանում խոշոր ցույցեր տեղի էին ունեցել 2009-ին, երբ տասնյակ հազարավոր իրանցիներ դուրս
եկան փողոցներ՝ անհամաձայնություն հայտնելով Իրանի արդեն նախկին նախագահ Մահմուդ Ահմադինեժադի՝
ընտրություններում վիճելի հաղթանակի հետ:

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում