Գլխավոր Լրահոս

Բագրատաշենի անցակետում աշխատող ԱՊՊԱ գործակալները բողոքում են անհավասար պայմանների դեմ (լրացված)

Բագրատաշենի անցակետում աշխատող ԱՊՊԱ գործակալները բողոքում են անհավասար պայմանների դեմ (լրացված)

13։40

Ցուցարարներին մոտեցել է ոստիկանության Նոյեմբերյանի բաժնի պետ Արմեն Անտոնյանը։ Վերջինիս հորդորով գործակալները բացել են ճանապարհը։ Այս պահին Անտոնյանը մաքսատանը խոսում է համապատասխան մարմինների ներկայացուցիչների հետ։

13։32

Ավտոմեքենաների ապահովագրությամբ զբաղվող ընկերությունների մոտ 40 ներկայացուցիչներ փակել են Վրաստանի սահմանին գտնվող Բագրատաշենի մաքսատուն տանող ճանապարհը։ Նրանք բողոքում են ընկերություններից մեկին՝ «Թոփ-Սփին»-ին, մենաշնորհ տալու և տեղում գործող 6 ընկերությունների համար անհավասար պայմաններ ստեղծելու դեմ: «Թոփ-Սփին» ընկերությունը, որը «Նաիրի Ինշուրանս» ապահովագրական ընկերության գործակալն է, տարածք է վարձակալել հենց մաքսատան տարածքում։ 

ՍիվիլՆեթի լրագրողի փոխանցմամբ՝ քիչ առաջ ցուցարարները Պետական եկամուտների կոմիտեի պետին ուղղված նամակ հանձնեցին, որն ընդունել է պետի տեղակալը։ Նրանք պահանջում են բոլորի համար գործունեության հավասար պայմաններ ապահովել և մենաշնորհ չտալ միայն մեկ ընկերության։ Այս պահին ճանապարհը փակ է։ 

«Թոփ Սփին» ընկերությունը Բագրատաշենի տարածքում գրասենյակ վարձակալելու իրավունքն ստացել է աճուրդի միջոցով, որը տեղի է ունեցել դեկտեմբերի 29-ին։ Ավտոմեքենաների ապահովագրությամբ զբաղվող մյուս ընկերությունների ներկայացուցիչներն ասում են, որ տեղյակ չէին աճուրդի մասին, համացանցում այդ մասին նույնպես տեղեկություն չկա։ Գրասենյակի վարձակալության արժեքն է ամսական 25 հազար դրամ։ 

Ցուցարարները նամակ են հղել նաև վարչապետ Կարեն Կարապետյանին։

 

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում