Civilnet
Հունվարի 10-ին Թուրքիայում ԱՄՆ գործերի հավատարմատարը կանչվել է ԱԳՆ։ Անկարան Վաշինգտոնին իր դժգոհությունն է հայտնել Սիրիայում քրդական Ժողովրդական պաշտպանության ուժերին (YPG) աջակցելու առնչությամբ։ ՆԱՏՕ-ի դաշնակիցների միջև հարաբերությունները տևական ժամանակ է՝ լարված են։
Reuters-ը հաղորդում է, որ Պետքարտուղարության խոսնակը հաստատել է հանդիպման փաստը՝ չբացահայտելով զրույցի մանրամասները։
Թուրքական լրատվամիջոցները, մասնավորապես, Hurriyet Daily News-ը, հաղորդում է, որ Թուրքիան այս քայլին դիմել է այն բանից հետո, երբ ամերիկյան ուժերը YPG-ի մոտ 400 մարտիկների են վերապատրաստել։
Թուրքիան քննադատում է ԱՄՆ-ին քրդական զինուժի հետ դաշնակցելու համար՝ YPG-ն համարելով ահաբեկչական կազմակերպություն, որը կապված է Թուրքիայում ահաբեկչական հռչակված Քրդստանի աշխատավորական կուսակցության (PKK) հետ։
Իսլամական պետության դեմ պայքարում ԱՄՆ-ը հենվում է քրդական զինուժի վրա՝ նրան տրամադրելով զենք, խորհրդատվություն և աջակցություն։ Անցյալ ամիս YPG-ն հայտարարել էր, որ Իսլամական պետությունից ամբողջությամբ ազատագրել է Դեր Զորի արևելյան հատվածը։
Պատմություններ
