
ՀՀ էներգետիկ ենթակառուցվածքների և բնական պաշարների նախարար Աշոտ Մանուկյանը կշարունակի պաշտոնավարել։
Այս մասին «Արմենպրեսին» ասել է նախարարի մամուլի քարտուղար Վասակ Թարփոշյանը:
«Այո, նախարարն անձնական պատճառներով իսկապես հրաժարականի դիմում է ներկայացրել։ Սակայն
հանրապետության նախագահի և վարչապետի հետ զրույցից հետո հարցը հանվել է օրակարգից։ Աշոտ
Մանուկյանը շարունակելու է պաշտոնավարել»,- ասել է Թարփոշյանը:
Էներգետիկ ենթակառուցվածքների և բնական պաշարների նախարար Աշոտ Մանուկյանը հրաժարականի դիմում էր ներկայացրել հունվարի 18-ին։ Նա էներգետիկ ենթակառուցվածքների և բնական պաշարների նախարար է նշանակվել 2016թ. հոկտեմբերի 6-ին:
Civilnet










