Գլխավոր Լրահոս

Բանավեճերի «ցանկալի» թեման սպասվող ընտրություններում

Բանավեճերի «ցանկալի» թեման սպասվող ընտրություններում

Ալեքսանդր Գրիգորյանը տնտեսագետ է, դասախոս, Հայաստանի ամերիկյան համալսարանի MBA ծրագրի ղեկավարըԱլեքսանդր Գրիգորյան

Հեղափոխությունը բնական էքսպերիմենտ էր Հայաստանի արտաքին քաղաքականության արդիականությունը ստուգելու համար: Այն մնաց հիմնականում անփոփոխ, իսկ գլխավոր ճշգրտումն այն էր, որ ժողովրդի կողմից մանդատ ստացած իշխանությունը առավել անկախ է հայամետ քաղաքականություն իրականացնելու համար և գլոբալ խաղացողների կողմից ճնշումներին ունի հակազդման ռեսուրս: Պետական անվտանգության համակարգը, Եվրասիական միության մաս լինելը, Ղարաբաղի խնդրի կարգավորումն ու Եվրոպայի հետ համագործակցությունը Հայաստանի արտաքին քաղաքականության օրակարգում շարունակում են մնալ գրեթե նույն կշիռներով և բովանդակությամբ: Փորձը ցույց տվեց, Հայաստանի արտաքին քաղաքական (հետևաբար և տնտեսական) վեկտորը կախված չէ երկրի առկա ինստիտուտներից և հիմնականում պայմանավորված է աշխարհաքաղաքական գործոններով, որոնք ժամանակի մեջ կայուն են:

Առաջիկա ընտրությունների համատեքստում սա նշանակում է, որ արտաքին քաղաքականության խնդիրները թեժ բանավեճի առարկա չեն լինելու: Քաղաքական ուժերը մրցակցելու են ներքին խնդիրների շուրջ իրենց տեսլականներով: Հասարակությունը ակնկալում է ունենալ արդար ընտրություններ, և քաղաքական օրակարգը ինչ-որ տեղ սպառվում է դրանով: Այդ իրավիճակում քաղաքական ուժերի բանավեճը ծավալվելու է տնտեսական զարգացման և քաղաքականության հարցերի շուրջ:

Ինչպիսի՞ տնտեսական զարգացման մոդելներ կարող են առաջարկել քաղաքական ուժերը ընտրություններին ընդառաջ: Կարծում եմ, որ անխտիր բոլոր ուժերը պետք է մեծ ջանքեր ներդնեն նոր որակի տնտեսական ծրագրեր մշակելու համար: Հին տնտեսագիտության ներկայացուցիչները, որոնցից շատերին տեսել ենք մեր ուսումնառության տարիներին, պետք է պարզապես հեռանան բեմից: Տնտեսության զարգացման մոդելները և տնտեսական քաղաքականությունը պետք է մշակվեն ժամանակակից տնտեսագետների կողմից, ովքեր կիրառում են մաթմոդելավորման բարդ տարրեր՝ ունենալով համապատասխան կրթություն և փորձառություն:

Այսօր, յուրաքանչյուր քաղաքական ուժ, եթե ցանկություն ունի ընտրություններում հաջողության հասնել, պետք է գիտատար ռեսուրս ներդնի գյուղատնտության ոլորտում ապահովագրության խնդիրը հասկանալու և լուծումներ առաջադրելու համար

Բանավեճերը պետք է լինեն բարձր մակարդակի վրա և չսահմանափակվեն պրոտոկոլային դասակարգումներով: Որպես օրինակ կարող եմ բերել գյուղատնտեսությանն անհրաժեշտ ապահովագրության խնդիրը: Նախկինում դրա անհրաժեշտության և ներդրման պատրաստակամության դրույթներ հանդիպել ենք գրեթե բոլոր ծրագրերում, բայց արդյունքում ապահովագրության գործիքները չեն ներդրվել: Այսօր, յուրաքանչյուր քաղաքական ուժ, եթե ցանկություն ունի ընտրություններում հաջողության հասնել, պետք է գիտատար ռեսուրս ներդնի գյուղատնտության ոլորտում ապահովագրության խնդիրը հասկանալու և լուծումներ առաջադրելու համար:

Մեզ հայտնի լրջագույն դեմքերով, բայց ծեր մտածողությամբ մարդիկ դա չեն կարող անել: Նման ռեսուրսով ներկայացված կուսակցությունները պարզապես կպարտվեն:

Այսօր օրակարգային խնդիր է ունենալ մրցակցային ընտրություններ, և քաղաքական ուժերը այն իրապես կարող են դարձնել մրցակցային, եթե ներկայանան տնտեսության զարգացման ժամանակակից գործիքակազմով հագեցած մոդելներով: Ոչ թե պետք է թուղթը վերցնել ու գրել 134 կետից բաղկացած ծրագիր, այլ անհրաժեշտ է ունենալ տնտեսության ծրագրավորված մաթեմատիկական մոդել (օրինակ, computable general equilibrium model), որը հնարավորություն կտա գեներացնել զարգացման և քաղաքականության բազմաթիվ սցենարներ և ընտրել լավագույնը:

Մեզ պարզապես անհրաժեշտ է Հեղափոխություն այս ոլորտում, եթե մենք ուզում ենք ունենալ տնտեսական բարեկեցություն մեր երկրում:      

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում