Գլխավոր Լրահոս

Դատարանը բավարարել է Լիդիանի հայցն ընդդեմ Ոստիկանության

Դատարանը բավարարել է Լիդիանի հայցն ընդդեմ Ոստիկանության

Վարչական դատարանը ապրիլի 10-ին վճիռ է կայացրել հօգուտ «Լիդիան Արմենիա» ընկերության։

Ամուլսարի ոսկու հանքը շահագործող այս ընկերության հանքավայրի մուտքերը 2018-ի հունիսից ակտիվիստները փակած են պահում՝ թույլ չտալով, որ հանքը գործի։

«Լիդիան Արմենիան» հայց էր ներկայացրել վարչական դատարան՝ ընդդեմ ոստիկանության։

Ընկերության ներկայացուցիչը հայցադիմումում նշել էր, որ ըստ ոստիկանության՝ ընկերության տարածքում ակտվիստների գործողություններում «ներխուժում առկա չէ»։

Վարչական դատարանը գտել է, որ հայցը ենթակա է բավարարման։

«Դատարանը փաստում է, որ Ոստիկանությունը պարտավոր էր միջոցներ ձեռնարկել անշարժ գույքի տարածքը ներխուժողներից ազատելու ուղղությամբ` ընդհուպ մինչև օրենքով նախատեսված ֆիզիկական ուժ կամ հատուկ միջոցների գործադրման միջոցով: Դատարանը եզրահանգում է, որ մի խումբ անձանց կողմից Ընկերությանն օրինական հիմքերով պատկանող տարածքում գտնվելը համարվում է ներխուժում, ուստի ընկերության հայցը հիմնավոր է և ենթակա է բավարարման․․․․»,- եզրահանգել է դատարանը։

Այս վճիռը օրինական ուժի մեջ է մտնում հրապարակման պահից մեկ ամիս հետո և կարող է բողոքարկվել ՀՀ վերաքննիչ վարչական դատարանում:

Գևորգ Թոսունյան

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում