Գլխավոր Լրահոս

«Սանիթեքը» մտքափոխվել է ու ասել, թե ինչու էր ուզում Թբիլիսի գնալ

«Սանիթեքը» մտքափոխվել է ու ասել, թե ինչու էր ուզում Թբիլիսի գնալ

«Սանիթեք» ընկերությունը ասուլիս կտա ոչ թե Թբիլիսիում, ինչպես ծրագրում էր, այլ Երևանում։ Հուլիսի 29-ին ընկերությունը տեղեկացրել էր, որ պատրաստվում է հուլիսի 31-ին ասուլիս տալ Թբիլիսիում և դրա համար պատրաստվում էր Երևանից լրագրողներ տեղափոխել Վրաստանի մայրաքաղաք։ 

Այսօր տարածած հաղորդագությունում ընկերությունը պարզաբանել է, թե ինչու էին ասուլիսն ուզում անցկացնել Հայաստանից դուրս. «Չունենք երաշխիքներ, որ ընկերության բաժնետերերի և ներկայացուցիչների նկատմամբ չեն իրականացվի ոչ իրավաչափ հետապնդումներ»։

««Սանիթեք» ընեկերության միակ մտահոգությունն ու նպատակը կենտրոնացումն է այն խնդիրների վրա է, թե մենք այսօր ինչու հասանք այս կետին և թե ինչ պետք է արվի, որպեսզի հնարավոր լինի հաղթահարել ստեղծված իրադրությունը: «Սանիթեք» ընկերության համար ինչպես և նախկինում, այնպես էլ հիմա մնում է կարևոր հետևյալը` ներկայացնել հստակ փաստեր, թվեր և ներկայացնել ճշարտությունն այս ողջ պատմության: Որոշումը Թբիլիսիից մամուլի ասուլիսն իրականացնելու միակ ճանապարհն էր «Սանիթեք» ընկերության տնօրինության համար անձամբ ներկայացնելու խնդիրը` ելնելով քաղաքացիների և Երևան քաղաքի հանդեպ ունեցած հարգանքից և վերաբերմունքից, քանի որ նրանց ներկայությունը Երևանում այս փուլում ցանկալի չէ` չունենք երաշխիքներ, որ ընկերության բաժնետերերի և ներկայացուցիչների նկատմամբ չեն իրականացվի ոչ իրավաչափ հետապնդումներ»,- ասված է ընկերության հաղորդագրությունում։

2018-ի «Թավշյա հեղափոխությունից» հետո «Սանիթեքի» և Երևանի քաղաքապետարանի միջև գնալով խորացան տարաձայնությունները քաղաքի աղբահանության խնդրի հետ կապված։ 2018-ի օգոստոսին քաղաքապետարանը 12 մլն դրամով տուգանեց ընկերությանը՝ աղբահանության ծառայությունը ոչ պատշաճ իրականացնելու համար, իսկ այս տարվա մայիսին՝ 26 մլն դրամով։ 

Զուգահեռաբար «Սանիթեքն» է դատական հայցեր ներկայացրել քաղաքապետարանի դեմ։ Երկու տարբեր հայցերով ընկերությունը պահանջում է «չմատուցված ծառայությունների համար» վճարել շուրջ 65 մլն դրամ։ 

Գևորգ Թոսունյան

Լուսանկարը՝ Ֆոտոլուրի

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում