Գլխավոր Լրահոս

2020-ի բյուջեն նախատեսում է ավտոմեքենաների ներմուծման հնարավոր անկումը 

2020-ի բյուջեն նախատեսում է ավտոմեքենաների ներմուծման հնարավոր անկումը 

Այս տարի Հայաստան ավտոմեքենաների ներմուծման և վերարտահանման ոլորտում, տարբեր գնահատականներով, շրջանառվել է մոտավորապես 300-350 մլն դոլար: Այս մասին ԱԺ-ում այսօր «ՀՀ 2020թ. բյուջեի մասին» օրենքի նախագծի քննարկումների ժամանակ ֆինանսների նախարար Ատոմ Ջանջուղազյանին դիմելով՝ ասաց պատգամավոր Արման Բաբաջանյանը:

Ըստ այդմ՝ նա հարցեր ուղղեց նախարարին. «Գիտենք, որ հունվարի 1-ից ուժի մեջ մտնող հայտնի կարգավորումներից հետո էապես կրճատվելու է այդ շրջանառությունը: Արդյոք հաշվարկե՞լ ենք, թե ինչպես է ազդելու այդ շրջանառության անկումը մեր ՀՆԱ-ի և բյուջեի վրա»:

Պատգամավորը ասաց, թե վերջին ամիսներին Հայաստանից աննախադեպ ծավալների գումարներ են փոխանցվել արտերկիր։

«Կա՞ն արդյոք գնահատականներ, թե ինչպես է կապիտալի արտահոսքը ազդել ՀՆԱ-ի և բյուջեի վրա, հաջորդ տարվա բյուջեում հաշվարկվա՞ծ է կապիտալի արտահոսքը, եթե հաշվարկված է՝ ի՞նչ ցուցանիշի մասին է խոսքը»,- երրորդ հարցն ուղղեց պատգամավորը:

Ատոմ Ջանջուղազյանն ընդունց, որ ավտոմեքենաների ներմուծումն ու դրանց վերաարտահանումը բավականին լուրջ գործոն է և հաշվարկված է: Նա նշեց, սակայն, որ հաջորդ տարի նույն ծավալի ներմուծում չի ակնկալվում, և խոշոր հաշվով՝ այդ ռիսկերը չեզոքացված են այն կանխատեսումների մեջ, որոնք ներկայացված են բյուջեի նախագծում։ Խոսքը հարկեր-ՀՆԱ հարաբերկցությունը 0,3 տոկոսով ավելացնելու մասին է:

«Իսկ այնտեղ ներկայացված է կանխատեսում ՀՆԱ-ում ստվերի կրճատման առումով, որը ներկայացված է բյուջի նախագծում: Ինչ վերաբերում է կապիտալի արտահոսքին, ապա այն կանխատեսված է ագրեգացված ցուցանիշներով, որոնք ցույց են տալիս, որ այդ ռիսկերը եւս կառավարելի են»,- ասաց նա:

#CivilNet #News

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում