Գլխավոր Լրահոս

Ունեցել ենք 9 մլրդ 307 մլն դրամի հավելյալ դրամաշրջանառություն. Նիկոլ Փաշինյան

Ունեցել ենք 9 մլրդ 307 մլն դրամի հավելյալ դրամաշրջանառություն. Նիկոլ Փաշինյան
2019-ի դեկտեմբերի 28-ից 2020-ի հունվարի 6-ը ընկած ժամանակահատվածում նախորդ տարվա համեմատ ունեցել ենք 9 մլրդ 307 մլն դրամի հավելյալ դրամաշրջանառություն. ֆեյսբուքյան ուղիղ եթեում հայտարարեց վարչապետ Նիկոլ Փաշինյանը։ Նրա խոսքով՝ դա կապված է նաև այն 271 մլն դրամի հետ, որը կառավարությունը հատկացրել էր քաղաքապետարանին՝ ամանորյա միջոցառումները կազմակերպելու համար։ «Կառավարությունը 271 մլն դրամ հատկացրեց Երևանում ամանորյա տոնակատարությունների համար: Եվ դրա նպատակն էր զբոսաշրջիկների, քաղաքացիների համար Ամանորը Երևանում անցկացնելն ավելի գրավիչ դարձնելը: Ունենք որոշակի տվյալներ և կարող ենք ասել, որ դեկտեմբերի 28-հունվարի 6-ն ընկած ժամանակում նախորդ տարվա համեմատ ունեցել ենք 9 մլրդ 307 մլն դրամի հավելյալ դրամաշրջանառություն: Կարող ենք ենթադրել, որ նաև 271 մլն դրամ գումար ծախսելով է, որ կարողացել ենք ապահովել այդ 9 մլրդ ավելի դրամաշրջանառությունը: Դրանից մոտ 4 մլրդը տեղի է ունեցել ՀՀ մարզերում: Այս իրավիճակի վերլուծությունն ասում է, որ 271 մլն դրամ ծախսել ենք Երևանում Ամանորը գրավիչ դարձնելու համար, դա ակնհայտորեն մեր շատ քաղաքացիների և զբոսաշրջիկների մղել է ամանորյա օրերին գալ Երևան: Երևան գալով, մեկ-երկու միջոցառումների այցելելով նրանց մի մասն այցելել է նաև մարզեր, գուցե իրենց հարազատներին, գուցե տեսարժան վայրեր դիտելու համար»,- ասաց վարչապետը։ Վարչապետը նաև հայտնեց՝ ամենամեղմ հաշվարկներով այդ 9 մլրդ 308 մլն դրամ հավելյալ առևտրաշրջանառության արդյունքում գեներացվելու է մոտավորապես 325 մլն դրամի հարկ: Մեկնաբանելով այն հարցադրումներն ու մտահոգությունները, թե արդյոք ճի՞շտ էր այդ 271 մլն դրամ ծախսելը, միջոցառում կազմակերպելը, Փաշինյանը նկատեց՝ այդ տվյալները տեսնելով՝ ավելի մասշտաբային պետական ծախսեր պետք է անեն Ամանորի հետ կապված, որպեսզի ավելի շատ հարկեր գեներացնեն, ՀՀ քաղաքացիների համար ավելի շատ հնարավորություն ստեղծեն, որ աշխատեն ու իրենց աշխատանքով վաստակեն: Լուսինե Վարդանյան
Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում