Գլխավոր Լրահոս

Նավթի գներն ընկել են 30 տոկոսով․ խոշորագույն անկումը՝ Ծոցի պատերազմից հետո

Նավթի գներն ընկել են 30 տոկոսով․ խոշորագույն անկումը՝ Ծոցի պատերազմից հետո

Մարտի 9-ին ասիական շուկաներում նավթի գինը նվազել է ավելի քան 31 տոկոսով։ Դա տեղի է ունեցել այն բանից հետո, երբ Նավթ արտահանող երկրների կազմակերպության (ՕՊԵԿ) անդամներին չի հաջողվել պայմանավորվածության հասնել նավթի ադյունահանման կրճատման շուրջ նավթի մյուս արտադրողների հետ։ 

Նավթի խոշորագույն արտադրող Սաուդյան Արաբիան, որը մտնում է ՕՊԵԿ-ի մեջ, հայտարարել է պաշտոնական գների նվազման մասին, որից հետո Brent տեսակի նավթի գինը նվազել է մինչև 31 դոլարի մեկ բարելի դիմաց։ 

Կորոնավիրուսի բռնկման հետևանքով համաշխարհային շուկայում գոյացել է նավթի ավելցուկ, բայց գործարքի խափանումից հետո նավթ արտադրողներին չի հաջողվի այն վերացնել։ Բացի այդ, չեն գործելու նաև նախկին պայմանավորվածությունները, հետևաբար ապրիլի 1-ից նավթի արտադրության սահմանափակման վերաբերյալ բոլոր պայմանավորվածությունները չեղարկվում են։

Փետրվարի վերջին Brent տեսակի նավթի գինը կազմել է 50 դոլար բարելի դիմաց, իսկ մարտի 6-ից, երբ հայտնի է դարձել ՕՊԵԿ-ի գործարքի տապալման մասին, այն ընկել է 9 տոկոսով և մոտեցել 45 դոլարի։

Ինչպես նշում է Bloomberg գործակալությունը, սա նավթի ամենակտրուկ անկումն է 1991-ից հետո, երբ շարունակվում էր պատերազմը Պարսից ծոցում։

Goldman Sachs ներդրումային բանկի համաձայն՝ նավթի գնանշումները կարող են շարունակել անկումը և հասնել 20-30 դոլարի։

Bloomberg և Reuters գործակալությունների տվյալներով՝ գործարքի տապալումը ՕՊԵԿ պլյուսի հետ (դրա մեջ մտնում են ՕՊԵԿ-ն ու ևս մի քանի նավթարդյունահանող երկրներ, այդ թվում՝ Ռուսաստանը), դարձել է հենց Մոսկվայի դիրքորոշումը․ ռուսաստանյան իշխանությունները դեմ են հանդես եկել նավթի արդյունահանման լրացուցիչ կրճատմանը։

Մարտի 9-ի առավոտյան նավթի գների անկմանը հետևել է ասիական շուկաների անկումը․ Nikkei Տոկիոյի ֆոնդային բորսայի հիմնական ցուցիչն ընկել է 5 տոկոսով, Հոնկոնգի Hang Seng-ը՝ 3,5 տոկոսով, ավստրալական ASX 200-ը՝ ավելի քան 6 տոկոսով։

Թարգմանությունը՝ Լուսինե Վարդանյանի

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում