Գլխավոր Լրահոս

Բանակցում ենք զբոսաշրջիկների հետ, որ չեղարկելու փոխարեն հետաձգեն այցը Հայաստան․ հյուրանոցատեր

Բանակցում ենք զբոսաշրջիկների հետ, որ չեղարկելու փոխարեն հետաձգեն այցը Հայաստան․ հյուրանոցատեր

Բանակցում ենք զբոսաշրջիկների հետ, որ չեղարկելու փոխարեն հետաձգեն իրենց այցը Հայաստան, ասում է Picnic հյուրանոցային ցանցի համահիմնադիր Արտաշես Մելքումյանը։ Picnic ցանցում ներկայացված հյուրանոցներից են, օրինակ, City hotel-ը և City Centre Hotel-ը։

Զբոսաշրջությունը, հյուրանոցային բիզնեսը կորոնավիրուսի պանդեմիայից ամենաշատ տուժող ոլորտներից է։ Հայաստանի հյուրանոցները, որ մեկ-երկու ամիս առաջ լեցուն էին և ունեին բազմաթիվ ամրագրումներ գարնան ու ամառվա ամիսների համար, փակուղային վիճակում են հայտնվել։ 

«Շատ են վնասները, որովհետև հյուր չկա, ամեն ինչը հիմնված է զբոսաշրջիկի գալու, check in լինելու, գումար վճարելու վրա։ Հիմա, որ զբոսաշրջիկ չկա, շատ է վնասը ոլորտում։ Բոլոր ընկերություններում հաստատ նույն վիճակն է»,- ասում է Մելքումյանը։

«Շատ են վնասները, որովհետև հյուր չկա, ամեն ինչը հիմնված է զբոսաշրջիկի գալու, check in լինելու, գումար վճարելու վրա։ Հիմա, որ զբոսաշրջիկ չկա, շատ է վնասը ոլորտում։ Բոլոր ընկերություններում հաստատ նույն վիճակն է»,- ասում է Մելքումյանը։Մելքումյանն ասում է, որ իրենց աշխատակիցների մի մասը տնից է աշխատում․ «Բանակցում ենք զբոսաշրջիկների հետ, որպեսզի չեղարկելու փոխարեն հետաձգեն Հայաստան այցը։ Աշխատակիցների մյուս՝ հյուրերի սպասարկմամբ զբաղվող մասը, չի աշխատում։ Հյուրերի 90 տոկոսը չեղարկել է պատվերները։ Չեն չեղարկել միայն մի քանի ռուսաստանցի զբոսաշրջիկներ, որոնք արդեն իսկ Հայաստանում էին»։

«Դե տենց շատ օգնություն չենք ակնկալում, կառավարությունն էլ է դժվար վիճակում։ Պետք է ինչ-որ հարկային արտոնություններ տա, ժամանակավորապես, օրինակ՝ աշխատակիցների աշխատավարձերի մի մասը հոգա, եկամտահարկը կրճատի։ Ինչ-որ սենց բաներ կարող են անել»,- ասում է Արտաշես Մելքումյանը։

․․․

«Հայաստանի հյուրանոցների ասոցիացիա» ՀԿ-ն մարտի 16-ին դիմել է կառավարությանը՝ խնդրելով ոլորտի տնտեսվարող սուբյեկտների հարկային պարտավորությունները հետաձգել։ Ըստ ասոցիացիայի՝ դա ստեղծված իրավիճակում կարող է վճռորոշ քայլ լինել որոշ հյուրանոցների սնանկացումից փրկելու համար, ինչպես նաև օգնություն Հայաստանի ամբողջ հյուրանոցային ոլորտին։ Նամակում նշվում է նաև, որ զբոսաշրջությունը, լինելով Հայաստանում գերակա ոլորտ, կարևորագույն նշանակություն ունի տնտեսության երկարաժամկետ զարգացման, ինչպես նաև բարձր տնտեսական աճ ապահովելու համար։

«Հայաստանի հյուրանոցների ասոցիացիան» վկայաբերում է Վրաստանի օրինակը, որտեղ զբոսաշրջային ոլորտի ընկերությունների համար առաջիկա չորս ամիսներին հարկային և պարտադիր այլ վճարների պարտավորությունները հետաձգել են։

Լուսինե Վարդանյան

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում