Գլխավոր Լրահոս

Մինչև արտակարգ դրության ավարտը գազամատակարարման անջատումներ չեն լինի. «Գազպրոմ Արմենիա»

Մինչև արտակարգ դրության ավարտը գազամատակարարման անջատումներ չեն լինի. «Գազպրոմ Արմենիա»

«Գազպրոմ Արմենիա» ընկերությունը մինչև արտակարգ դրության ավարտը ձեռնպահ կմնա բնակիչ-բաժանորդների կողմից վճարման պարտավորության չկատարման դեպքում գազամատակարարումը դադարեցնելու գործընթացից․ այս մասին հայտնում են ընկերության մամուլի ծառայությունից: 

Ընկերության տարածած հայտարարության մեջ նշվում է, որ մամուլում և սոցիալական ցանցերում տեղ գտած առանձին հրապարակումներում «անհարկի շահարկվում է մատակարարված գազի դիմաց» բնակիչ-բաժանորդների՝ սահմանված ժամկետներում «վճարումներ չկատարելու դեպքում պայմանագրերով նախատեսված գազամատակարարման դադարեցման գործընթացը»: 

Ըստ այդմ «Գազպրոմ Արմենիան» մինչև կառավարության որոշմամբ հաստատված արտակարգ դրության ավարտը ձեռնպահ կմնա բնակիչ-բաժանորդների կողմից վճարման պարտավորության չկատարման դեպքում գազամատակարարումը դադարեցնելու գործընթացից: 

Այս որոշման համար հիմք են հանդիսանում պարետի որոշումները և Հանրային ծառայությունները կարգավորող հանձնաժողովի հայտարարությունն առ այն, որ ստեղծված իրավիճակը բնակիչ-բաժանորդների կողմից վճարումներ կատարելու համար մինչև արտակարգ դրության ավարտը ճանաչվել է խոչընդոտող ֆորս-մաժոր:

Միաժամանակ, ընկերությունը տեղեկացնում է, որ մարտի 26-ի դրությամբ հանրապետության բնական գազի սպառման կառուցվածքում բնակիչ-բաժանորդներին փետրվար ամսին մատակարարված գազի դիմաց պարտքը կազմում է շուրջ 4 մլրդ 800 մլն դրամ: Այդ թվից ՀՀ աշխատանքի և սոցիալական հարցերի նախարարության տրամադրված սոցիալապես անապահով ընտանիքների ցուցակում ընդգրկված բնակիչ-բաժանորդների պարտքը կազմում է 315 մլն դրամ: 

Ընդ որում, մատակարարված բնական գազի դիմաց պարտքի գումարային առումով 93,4 տոկոսը չի վերաբերում սոցիալապես անապահովներին, մինչդեռ փետրվար ամսին մատակարարված գազի դիմաց չվճարող որոշ բնակիչ-բաժանորդների պարտքը կազմում է մինչև 900 հազար դրամ:

Արշալույս Մղդեսյան

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում