Գլխավոր Լրահոս

Հայաստանում սկսելու են կորոնավիրուսի թեստերի տեղական արտադրություն. կառավարությունը գումար է հատկացրել 

Հայաստանում սկսելու են կորոնավիրուսի թեստերի տեղական արտադրություն. կառավարությունը գումար է հատկացրել 

Կառավարությունը ՀՀ ԳԱԱ Մոլեկուլային կենսաբանության ինստիտուտին կհատկացվի 550 000 դոլար՝ կորոնավիրուսի թեստերի տեղական արտադրություն սկսելու համար։ Այս մասին ասաց վարչապետ Նիկոլ Փաշինյանը ֆեյսբուքյան ուղիղ եթերում՝ պատասխանելով քաղաքացիներից մեկի հարցին:

Փաշինյանի խոսքով՝ կառավարությունը խնդիր է դրել Հայաստանում կորոնավիրուսի օրական թեստերի քանակը հասցնել 1000-ի: Սա, նրա կարծիքով, բավական մեծ ցուցանիշ է, և կարելի է համարել «զանգվածային թեստավորում»:

Փաշինյանը նաև տեղեկացրեց, որ այժմ օրական 200-ից մինչև 400 թեստեր են կատարվում: «Այս շաբաթվանից, գուցե վաղվանից կամ մյուս օրվանից, բայց վստահաբար ուրբաթ օրվանից մենք օրը 1000 թեստ ենք անելու։ Սրա համար մենք բավական մեծ քանակի թեստեր ենք գնել, մոտավորապես՝ 70 000»,- ասաց Փաշինյանը՝ նշելով, որ գիտական ինստիտուտներից մեկի հետ քննարկում են թեստերի տեղական արտադրություն սկսելու հարցը։

Վարչապետն ասաց՝ կառավարությունն արդեն որոշում է կայացրել անհրաժեշտ հումքը ձեռք բերելու և մեծ գումար տրամադրել Մոլեկուլային կենսաբանության ինստիտուտին, որպեսզի այդ արտադրությունը կարողանան սկսել: «Հատկացված գումարը կազմում է 550 000 դոլար»,- ասաց նա։

«Մասնագետները վստահեցրել են, որ ստացվելու է դա, և կարողանալու ենք ինստիտուտում թեստերի արտադրություն կազմակերպել։ Այնպես որ, պատրաստվում ենք իրականացնել զանգվածային թեստավորում, քանի որ օրը 1000 թեստը բավական լուրջ թիվ է»,- ասաց վարչապետը։

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում