Civilnet
Հանրային տրանսպորտը կսկսի գործել մայիսի 18-ից. Ազգային ժողովի մայիսի 14-ի արտահերթ նիստում հայտարարեց պարետ Տիգրան Ավինյանը:
Ըստ Ավինյանի՝ հանրային տրանսպորտից օգտվելիս լինելու են որոշակի սահմանափակումներ․ պարտադիր է լինելու դիմակների կրումը, և չի թույլատրվելու գերծանրաբեռնված տրանսպորտի շահագործումը:
Պարտադիր կանոններ և պայմաններ են դրված՝ կապված ախտահանման հետ: Կա վերահսկող մարմին, որը հետևելու է կանոնների պահպանմանը:
Պարետի խոսքով՝ նախկինում էլ եղել են որոշ սահմափակումներ տրանսպորտի գերծանրաբեռնվածության հետ կապված, շատ դեպքերում այդ տրանսպորտային միջոցները կանգնեցվել են ճանապարհային ոստիկանության կողմից, և բոլոր անձինք իջեցվել են:
Տիգրան Ավինյանը ևս մեկ անգամ շեշտեց, որ իրենք ամբողջությամբ բացում են հանրային տրանսպորտը՝ պայմաններով, և այդ պայմանների չկատարումը շահագործողների համար բերելու է որոշակի հետևանքների:
Գեղեցիկ Ոսկանյան
Պատմություններ
