ԱԱԾ տնօրեն է նշանակվել Արգիշտի Քյարամյանը, ԶՈւ ԳՇ պետ՝ Օնիկ Գասպարյանը, ոստիկանապետ՝ Վահե Ղազարյանը

Վարչապետը որոշումներ է կայացրել գեներել-լեյտենանտ Օնիկ Գասպարյանին ԶՈւ Գլխավոր շտաբի պետի, գնդապետ Արգիշտի Քյարամյանին ԱԱԾ տնօրենի, իսկ գնդապետ Վահե Ղազարյանին՝ Ոստիկանության պետի պաշտոններում նշանակելու մասին․ այս մասին նա հայտնեց ֆեյսբուքյան իր էջում: «Որոշումները դե յուրե ուժի մեջ կմտնեն Հանրապետության նախագահի կողմից ստորագրվելուց հետո: Գեներալ-լեյտենանտ Արտակ Դավթյանին, գնդապետ Էդուարդ Մարտիրոսյանին, գնդապետ Արման Սարգսյանին շնորհակալություն եմ հայտնում այս ընթացքում կատարած աշխատանքի եւ ներդրած ջանքերի համար», - գրեց Նիկոլ Փաշինյանը։