Ինչպես են առաջադրվում և ընտրվում Սահմանադրական դատարանի դատավորները

• Սահմանադրության վերջին փոփոխություններով՝ Սահմանադրական դատարանի դատավորների թափուր տեղերի համար առաջադրումները կատարում են հաջորդաբար կառավարությունը, հանրապետության նախագահը և Դատավորների ընդհանուր ժողովը։ 

• Սահմանադրական դատարանի դատավորի թափուր տեղերի համար առաջադրումները կատարվում են թափուր տեղն առաջանալուց հետո` երկամսյա ժամկետում:

• Սահմանադրական դատարանը կազմված է 9 դատավորից, որոնցից 3-ն ընտրվում են նախագահի, 3-ը՝ կառավարության, 3-ը՝ Դատավորների ընդհանուր ժողովի առաջարկությամբ: 

• Առաջադրված դատավորներին ընտրում է Ազգային ժողովը` պատգամավորների ընդհանուր թվի ձայների առնվազն երեք հինգերորդի կողմից՝ 12 տարի ժամկետով:

• Նույն անձը ՍԴ դատավոր կարող է ընտրվել միայն մեկ անգամ:

• Հունիսի 30-ին ԱԺ-ն ամբողջությամբ ընդունեց «Սահմանադրական դատարանի մասին» օրենքում փոփոխությունները։

• «Սահմանադրական դատարանի մասին» օրենքում փոփոխությունների փաթեթի՝ ուժի մեջ մտնելու համար անհրաժեշտ է նախագահի ստորագրությունը։

• Արմեն Սարգսյանը, սակայն, չի ստորագրել։ 

• 21-օրյա ժամկետում նախագահն իրավունք ունի այն ուղարկել ՍԴ՝ Սահմանադրությանը օրենքի համապատասխանությունը որոշելու հարցով:

• Եթե նախագահը չի կատարում սահմանված պահանջները, ապա ԱԺ նախագահը 5-օրյա ժամկետում ստորագրում և հրապարակում է օրենքը:

Ժաննա Ավագյան