Moderna ընկերությունը ԱՄՆ սահմաններից դուրս COVID-19-ի դեմ պոտենցիալ պատվաստանյութ մատակարարելու մասին համաձայնագիր է կնքել իսպանական Rovi ընկերության հետ։ Այս մասին տեղեկանում ենք Moderna-ի պաշտոնական կայքից։
Rovi-ն կապահովի պատվաստանյութի սրվակների լցոնումը, փաթեթավորումը և պիտակավորումը՝ աջակցելով թեկնածու պատվաստանյութի հարյուրավոր միլիոն չափաբաժինների արտադրությանը ԱՄՆ-ից դուրս շուկաներին մատակարարելու համար՝ սկսած 2021-ից։ ROVI-ն կներգրավի հավելյալ աշխատուժ արտադրական գործընթացում։
Հայազգի գործարար Նուբար Աֆեյանի Moderna ընկերության պատվաստանյութը COVID-19-ի դեմ հավանական պատվաստանյութ արտադրողներից է։ Ընկերությունը պատվաստանյութ ստեղծելու համար օգտագործում է ինֆորմացիոն ՌՆԹ, որը մարմնին ստիպում է արտադրել սպիտակուց։ Պատվաստանյութը կլինիկական գնահատման փուլում է։
Ավելի վաղ առողջապահության նախարար Արսեն Թորոսյանը հայտարարել էր, որ հնարավոր պատվաստանյութ ձեռք բերելու համար բանակցություններ է վարում, այդ թվում՝ Moderna-ի հետ։
Թեմայի շուրջ ավելին՝
Լուսինե Վարդանյան
Civilnet
Պատմություններ
