Ադրբեջանը արտաքին գործերի նոր նախարար ունի

Ադրբեջանի նախագահ Իլհամ Ալիևի հրամանագրերով Էլմար Մամեդյարովն ազատվել է արտաքին գործերի նախարարի պաշտոնից, այդ պաշտոնում նշանակվել է կրթության նախարար Ջեյհուն Բայրամովը: Բայրամովը կրթությամբ տնտեսագետ, իրավաբան է: Նա տևական ժամանակ աշխատել է հարկային մարմիններում, այնուհետև կրթության նախարարությունում: Բայրամովը 2018 թվականին նշանակվել է կրթության նախարար: Էլմար Մամեդյարովը ԱԳ նախարարի պաշտոնը զբաղեցնում էր 2004 թվականից: