Civilnet
Ազգային ժողովը սեպտեմբերի 17-ին մերժեց «Լուսավոր Հայաստան» խմբակցության հարցապնդումը՝ կրթության, գիտության, մշակույթի և սպորտի նախարար Արայիկ Հարությունյանի հետագա պաշտոնավարման հարցը վարչապետի քննարկմանն առաջարկելու վերաբերյալ: Հարցապնդմանը կողմ էր 35 պատգամավոր, դեմ՝ 84-ը։
«Նախարարը չի՞ հրավիրվել քվեարկությանը ներկա լինելու, որովհետև հարցապնդումն ավարտվում է քվեարկությամբ և պետք է ներկա լինել»,- նախքան քվեարկությունը վարման կարգով ԱԺ նախագահ Արարատ Միզոյանին դիմեց «Լուսավոր Հայաստան» խմբակցության ղեկավար Էդմոն Մարուքյանը։ Խորհրդարանի ղեկավարը պարզաբանեց, որ նախարարն իր հետ կապ է հաստատել, ու ինքը փոխանցել է, որ գալու կարիք չկա հարցի ցանկացած ելքի դեպքում։
«Բարգավաճ Հայաստան» խմբակցությունը վերահաստատեց, որ կմիանա «Լուսավոր Հայաստանի» նախաձեռնությանը՝ հավելելով, որ նախարարն անցել է «բարեկրթության բոլոր սահմանները»։ «Իմ քայլի» ղեկավար Լիլիթ Մակունցը հակադարձեց ԲՀԿ-ին՝ կոչ անելով նախքան նախարար Հարությունյանի բարեկրթության մասին խոսելը գնահատական տալ ԲՀԿ-ական պատգամավոր Գևորգ Պետրոսյանի գործելաոճին. «Նա որևէ բարեկրթության սահման ու նորմ չի պահպանում՝ տարածելով սուտ ու կեղծ տեղեկություն»,- ասաց Մակունցը։
Գևորգ Թոսունյան
Պատմություններ
