Իրանը կպատասխանի իր տարածքի վրա ցանկացած ագրեսիայի, եթե անգամ դա ոչ միտումնավոր լինի. Իրանի ԱԳՆ
Civilnet
Իրանը կպատասխանի իր տարածքի վրա ցանկացած ագրեսիայի, եթե անգամ դա ոչ միտումնավոր լինի․ հայտարարել է Իրանի արտաքին գործերի նախարարության ներկայացուցիչ Սայիդ Խաթիբզադեն՝ խոսելով Լեռնային Ղարաբաղում ընթացող մարտերի հետևանքով իրենց երկրի տարածքում ընկած մի քանի հրթիռի մասին։
Խաթիբզադեն «կարմիր գիծ» է համարել Իրանի քաղաքացիների անվտանգությունը և նշել, որ իրենք կատարել են անհրաժեշտ նախազգուշացումներն ու լսել մյուս կողմի հիմնավորումները։
«Մենք արդեն նախազգուշացրել ենք, որ Իրանի վրա ցանկացած հարձակում, եթե անգամ ոչ միտումնավոր է, պատասխան կստանա»,- հայտարարել է նա։
Ավելի վաղ Իրանի նախագահ Հասան Ռոհանին ևս հայտարարությամբ էր հանդես եկել ղարաբաղյան լայնամասշտաբ պատերազմի վերաբերյալ։ Նա նշել էր, որ չի կարող թույլ տալ արկեր իրենց սահմաններին և ահաբեկչություն՝ տարածաշրջանում։
Հոկտեմբերի 1-ին ՊԲ ստորաբաժանումների խոցած հակառակորդի մարտական ուղղաթիռն ընկել էր Իրանի տարածքում:
Պատմություններ
