Գլխավոր Լրահոս

2021-ի պետբյուջեի նախագծով պետական ապարատի աշխատողների թիվը 2 000-ով ավելանում է՝ համեմատ 2018-ի․ Վարդան Արամյան

2021-ի պետբյուջեի նախագծով պետական ապարատի աշխատողների թիվը 2 000-ով ավելանում է՝ համեմատ 2018-ի․ Վարդան Արամյան

2021 թ. պետական բյուջեի նախագծով` համեմատած 2018 թ. հետ, պետական ապարատի աշխատակիցների թվաքանակը շուրջ երկու հազարով ավելանում է: Այդ մասին ՍիվիլՆեթի հետ զրույցում ասել է ֆինանսների նախկին նախարար Վարդան Արամյանը:

Նրա խոսքով՝ կառավարությունը, հատկապես պատերազմական իրավիճակում, պետք է ուշադրության կենտրոնում պահի տնտեսության զարգացման ներուժը: Ուստի, նշում է Արամյանը, անհրաժեշտ է հնարավորինս կրճատել ընթացիկ ծախսերը՝ ավելացնելով և առավելագույն արդյունավետությամբ իրագործելով կապիտալ ներդրումները:

«Պետք է խոսել պետական ապարատի օպտիմալացումների մասին: Բայց ես, որքան հասկանում եմ, այն վերաբերել է ֆինանսների նախարարությանը, քանի որ այնտեղ են միայն ավտոմեքենաներ կրճատվել: Մնացած նախարարություններում դեռ մի բան էլ ավելացել է: Եթե մենք համեմատում ենք 2018 բյուջեն 2021 թ․ բյուջեի նախագծի հետ, պետական ապարատի աշխատողների թվաքանակը շուրջ երկու հազարով ավելանում է»,- ասել է նա:

Սա, Արամյանի գնահատմամբ, նշանակում է, որ ժամանակին անհրաժեշտ տնային աշխատանք չի կատարվել:

Արամյանի խոսքով՝  կապիտալ ծախսերի թերակատարման հետևանքով Հայաստանի վրա ֆինանսական պարտավորություններ են ավելացել: 

«Կապիտալ ծախսերը վերջին տարիներին թերակատարվում են: Սա հայտնի փաստ է: Այդ ծախսերի ֆինանսավորման մի մասը իրականացվում է միջազգային ֆինանսական կառույցներից ներգրաված միջոցներով: Երբ այդ միջոցները չեն ծախսվում, ապա պետության վրա պարտավճար է կուտակվում»,- բացատրեց նախկին նախարարն ու հավելեց, որ KFW բանկից ներգրաված միջոցների մասով արդեն պետության վրա շուրջ 4 մլն դոլարի գումար է ավելացել: 

Վարդան Արամյանի հարցազրույցը Արշալույս Մղդեսյանին դիտեք ստորև․

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում