Գլխավոր Լրահոս

Վարդան Սըրմաքեշը և Արման Սահակյանը Գյումրիում բնակելի թաղամաս կկառուցեն

Վարդան Սըրմաքեշը և Արման Սահակյանը Գյումրիում բնակելի թաղամաս կկառուցեն

Շվեյցարահայ գործարար Վարդան Սըրմաքեշը և նրա հայաստանցի գործընկեր, Շիրակ ՖԱ-ի սեփականատեր Արման Սահակյանը նախատեսում են Գյումրիում բնակելի թաղամաս կառուցել՝ «Ռենեսանս» անվանումով։ Ծրագիրը հաստատվեց կառավարության նիստին։ 

Այս նպատակով Գյումրիի Կարսի խճուղու հատվածում պաշտպանության նախարարության ենթակայության տակ գտնվող ավելի քան 21 հեկտար տարածքն անհատույց օգտագործման իրավունքով կտրամադրվի «Ռենեսանս փրոջեքթ» ՍՊԸ-ին։  

Որոշման հիմնավորումներում նշված է. «Գյումրի քաղաքում մոտ 100 բազմաբնակարան շենք գտնվում է անբավարար տեխնիկական վիճակում,բ ացի այդ, առկա է նաև ձևավորված պետական պարտավորություն՝ սոցիալապես անապահով և հատուկ խմբերին դասված անձանց, փախստականների, զոհված և հաշմանդամ դարձած զինծառայողների անօթևան ընտանիքների նկատմամբ: Մյուս կողմից, Գյումրիում գոյություն չունի բնակարանային առաջնային շուկա, որը հնարավորություն կընձեռի միջին և բարձր եկամուտ ունեցող քաղաքացիներին ձեռք բերել բնակարաններ՝ օգտվելով Հայաստանի Հանրապետության հարկային օրենսգրքով նախատեսված՝ եկամտահարկի վերադարձման հնարավորությունից: Թվարկված փաստերի վերլուծությունը հնարավորություն է տալիս արձանագրել, որ Գյումրիում առկա է թե անօթևանության, թե բնակարանային պայմանների բարելավման կարիքի բարձր մակարդակ»։ 

Բնակելի թաղամասի կառուցումը կտևի 5 տարի, ծրագրի արժեքը կկազմի 100 միլիոն դոլար։ Համապատասխան որոշման հիմնավորոմներում նշված է նաև, որ հաշվի առնելով տարածքում առկա պատմամշակութային արժեքները, բնակելի շենքերը լինելու են ժամանակակից և ավանդական ճարտարապետության համադրությամբ, տարածքում կհիմնվեն նաև դպրոց, մանկապարտեզ, խաղահրապարակներ։

Հետևեք մեզ Telegram-ում Telegram

Կարդալ ավելին

Տեղեկագիր

Բաժանորդագրվեք մեր տեղեկագրին և առաջինը ստացեք մեր շաբաթական ամփոփումները

Բաժանորդագրվելով Դուք տալիս եք համաձայնություն մեր համար։

EFCSNIFCNJTI

ՍիվիլՆեթն արգելում է օգտագործել իր հոդվածներն ու լուսանկարներն առանց պատշաճ հղման, ներբեռնել և առցանց այլ հարթակներում վերբեռնել իր պատրաստած և տարբերանշանը կրող տեսանյութերը։ ՍիվիլՆեթի տեսանյութերի մասնակի օգտագործումը կարող է լինել միայն ՍիվիլՆեթի գիտությամբ և համաձայնությամբ։

FacebookLogoInstagramLogoTiktokLogoTwitterLogoTelegramLogoYoutubeLogoMailLogo

Արդենի պողոտա 315, գրասենյակ 30 Գլենդել, Կալիֆոռնիա 91203

+1(818)749-450 [email protected]

Հյուսիսային պողոտա 1, գրասենյակ 30 Երևան 0010, Հայաստան

+374(10)500-119

CIVILNET © 2011-2026։ Բոլոր իրավունքները պաշտպանված են։

Մշակված է՝ -ում